Print this page

BTL Mehi Ba Futuru Populasaun Sei La Halerik Bee-Moos

Tempotimor (Dili)-Prezidente Konsellu Administrasaun Bee Timor-Leste, Empreza Públika (BTL.E.P), Carlos Peloi dos Reis hatete, iha futuru populasaun iha Timor-Leste sei la halerik ba bee-moos, tanba kanaliza iha área rurál no área urbanu ba komunidade sira ne'ebé seidauk asesu.

"Ita-nia mehi ne'e ita-nia ema sira tenke asesu ba bee hotu, siknifika iha área ne'ebé bee iha, ita sei mellora tantu sistema iha área rurál, iha urbanu no ita sei hadi’a atubele funsiona kanalizador depois iha área ne'ebé ita-nia komunidade seidauk asesu ba bee ita tenke promove projetu foun", dehan nia hafoin partisipa iha seremónia lansamentu relatóriu Kartaun Pontuasaun Komunidade (KPK) ba servisu abastesimentu bee rurál iha asosiasaun HAK Farol, kinta (03/06)

Ba projetu foun ne'e mak ko'alia kona-ba forsa finansiamentu atu la'o, bainhira finansiamentu laiha propriu ba bee, sei la halo mudansa.

"Ita-nia hanoin oinsá ami halo planu, tékniku sira halo planu pois ita aprezenta ba governu ou polítika sira, atu kontinua apoiu ita-nia servisu iha terenu hodi melhora bee iha área rurál no área urbanu", afirma nia.

Tanba, tinan-tinan governu sempre tau osan atu mellora sistema ne'ebé iha no promove mós projetu foun.

"Ezemplu ita iha orsamentu 19 ital millaun promove kuaze 52 projetu iha momentu ne'ebá, iha 22 projetu tanba ita-boot sira akompaña iha situasaun polítika, ita la promove projetu foun maibé ita iha tinan 2021 orsamentu maizomenus 36.5 milhões ne'ebé ita bele bele uza promove projetu área bee-moos, área saneamentu no área dreinazen", dehan nia.

Projetu foun iha área saneamentu ho dreinazen sei promove iha Dili, bee sei promove iha área rurál no área urbanu liliu iha kapitál postu sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items