OJE 2020 Entre Billaun $1.4 no $1.6 Featured

Ministra das Financas VIII Governu Konstitusional, Sarah Lobo Ministra das Financas VIII Governu Konstitusional, Sarah Lobo Foto Suplai

Tempotimor (Dili) - Planu Ministeriu Finansas sei aprezenta senáriu Orsamentu Jerál Estadu (OJE) 2020 oin rua ba Konsellu Ministru, iha 17 Jullu 2019. 

Senáriu ne’ebé Ministériu Finansas atu aprezenta ba Konsellu Ministru maka OJE aas liu billaun $1.6 no ki’ik liu billaun $1.4. 

Tuir kalendáriu finansas sei aprezenta iha KM depois mak deside senáriu ida ne’ebé bele apropriadu ho politika Governu nian.

Ministra Finansas interina, Sara Lobo Brites, bainhira ekipa téknika finansas aprezenta hotu senáriu sira ne’e, Konsellu Ministru sei aprezenta hikas orsamentu sira ba ministériu hotu.

Nia mós rekoñese katak, reseita doméstika ne’ebé kada tinan Governu iha la to’o ba senáriu sira ne’ebé kada tinan iha, ne’ebé Governu foti husi billaun $1.6 mai kraik. 

“Kuandu ita foti barak ita nia osan mós hotu lalalis, tanba ita-nia resita doméstika ne’e 10% de’it. Tanba ne’e, mak ita nia orsamentu ne’e ita sei haree mós emprestímu", dehan Sara, iha Palasiu Governu, Segunda (8/7). 

Emprestimu tinan ne’e tenke foti para finansia projetu infraestrutura sira no projeitu balun edukasaun nian no mós haree atu apura saldo balun ne’ebé eziste hela iha konta Estadu para utiliza fali iha tinan oin. 

Ministra ne’e hakle’an, governu Timor Leste foti emprestimu tanba ninia funan ne’e TL selu ne’e ki’ik liu duke retornu ne’ebé husi mina-rai. 

“Ita foti husi fundu mina-rai mak atu finansia ita nia projetu sira ne’e ita lakon tanba fundu mina-rai fó funan boot, foti husi mina-rai barak, ne’e halo ita lakon tiha oportunidade para hetan funan boot. Ita husik fundu mina-rai labele sai maka’as para bele kobre fali pagamentu ba emprestimu”, tenik nia. 

Nia mós dehan, empresta bele maibé iha nia limitasaun mós, nune’e durante emprestimu ne’e iha hela limitasaun nia okos. 

Senario OJE ne’ebe deklara husi MF ne’e la’os bu’at foun maibe antes ne’e iha konferencia Alianca Mudanca Progresu (AMP) 15 de Junu 2019, Primeiru Ministru VIII Governu Konstitusional, Taur Matan Ru’ak deklara uluk ona hanoin atu husu osan ho total billaun US$1.6 ba OJE 2020.

Rate this item
(4 votes)
Last modified on Tuesday, 09 July 2019 16:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.