Print this page

Uma-kain 60 iha Sentru Evakuasaun Balide Reintrega ba Komunidade

Diretór Nasionál Jestaun ba Risku no Dezastre, Agostinho Cosme Belo. Diretór Nasionál Jestaun ba Risku no Dezastre, Agostinho Cosme Belo. Foto Tempo Timor

Tempotimor (Dili)-Sekretáriu Estadu Protesaun Sivil (SEPS) liuhusi Diretór Nasionál Jestaun ba Risku no Dezastre, Agostinho Cosme Belo hatete, vítima hamutuk uma-kain 60 iha Sentru Evakuasaun Eskola 4 Setembru Balide reintrega ona ba komunidade.

“Ohin (26/05) hamutuk família uma-kain 60 no ema na’in-339 bazeia ba rezultadu dialogu ne’ebé husi protesaun sivíl no parseiru sira fasilita hala’o hoserik (25/05) sira deside filafali ba sira-nia komunidade no hela fatin anterior”, dehan Agostinho iha Eskola 4 Setembro, kuarta (26/05).

Ba sidadaun vítima hirak ne’e iha tempu badak sei hetan mós material konstrusaun.

Maibé, distribuisaun food item no non food item ne’ebé mak husi Sekretáriu Estadu Protesaun Sivil (SEPS) hamutuk ho parseiru sira mak fós saku 60 supermie no manta no sasán dapur balun.

Iha sorin seluk komunidade ne’ebé durante ne’e hela iha Sentru Evakuasaun Eskola 4 setembru, Jerónimo Afonsu, agradese ba governu no parseiru tanba ajuda ona sira.

“Agora ami seidauk hetan ajudu material konstrusaun maibé nesesidade bazika ami hetan ona husi Organizasaun Naun Governametal (ONG) balun husi Governu husi MSSI no husi Protesaun Sivíl ami hetan ona”, afirma Jerónimo. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items