"Dadus totál traballadór ba servisu iha Korea periode 2009-2020 hamutuk 3.696 no dadus remeses periodu hanesan hamutuk milhões US$46,2”, informa Filomeno Soares iha nia kna’ar fatin Bekora Maroco Mate, segunda (24/05).

Tanba, kada fulan traballadór ida hatama remeses kuaze rihun US$1,500 resin nune'e traballadór ne'ebé haruka mai kuaze millaun 2 resin husi konta Bankária Banku Nasional Komersiu Timor-Leste (BNCTL), Banku Nasional Ultramarinu (BNU) no baku sira seluk.

"Depois sira-nia remeses ka hatama kada fulan ema ida bele haruka osan liuhusi rihun US$1,500 hanesan ne'e, no totál traballadór sira kada fulan hatama osan bele too millaun 2 hanesan ne'e”, deklara nia.

Nune'e traballadór ne'ebé termina nia kontratu iha periodu hanesan hamutuk 803 mak fila mai Timor-Leste.(*)