Login to your account

Username *
Password *
Remember Me

Vítima Na'in-69 Afetadu DN Iha Wekiar Seidauk Hetan Apoiu

uma monu tanba impaktu husi udan uma monu tanba impaktu husi udan foto: suplay

Tempotimor (Dili)-Vítima hamutuk na’in-69 afetadu ba Dezastre Naturál (DN) iha Bairru Bekiar, Suku Mantelolaun, Postu administrativu Metinaru, Munisípiu Dili, seidauk hetan apoiu emerjénsia husi Governu.

"Apoiu husi governu nian, seidauk, ita hato'o ona karta liuhusi foti dadus ba protesaun sivíl, maibé ita-nia organizasaun Naun Governamental sira, fó ona apoiu ai-han mai ita-nia komunidade sira ne'ebé mak hetan inundasaun ne'e rasik”, informa Xefe Suku Mantelolaun, Sergio Axis Lopes Sarmento liuhusi telefone ho www.tempotimor.com, Domingu (23/05).

Durante inundasaun, komunidade uma-kain hamutuk 69 mak sira uma hetan sobu husi mota, maibé uma-kain 8 mak kondisaun gráve liu (aat totál), no oras ne'e evakua provizóriu hodi hamahan iha Kapela Wekiar.

"Ida gráve liu, totál uma laiha ne'e mak iha Umakain 8 eh sira rasik mós husik sira-nia uma, mai hela kedan iha ita-nia kapela ne'e rasik”, dehan nia.

Entretantu, komunidade sira ne'ebé oras ne'e hela iha Bairru Bekiar, mai husi Suku Mantelolaun ho Wenunuk nia ema, ho aldeia haat mak hanesan, Wenunuk, Mantelolaun, Lebutun, ho Haslaran.

Problema ne'ebé komunidade sira enfrenta liu bee-mós estrada, eletrisidade no inklui ho bronjong, tanba uma besik mota.

Antes ne’e, kompaña lokál Hakimonik, Lda. ba halo ona instalasaun rin eletrisidade, maibé fiu eletrisidade sei paradu durante tinan tolu ona (2018 to'o 2021), tanba la hetan lisensa husi governu sentrál liliu Ministériu Obras Públika (MOP).

"Sira hahú iha 2018, entaun sira paradu tinan tolu ona, tanba kompaña la hetan karta legál ruma husi estadu, tanba ne'e mak seidauk”, hatete nia.

Tuir dadus populasaun iha Suku Mantelolaun Uma-kain hamutuk 269 ho membru família 468. (*)

Rate this item
(3 votes)
Last modified on Sunday, 23 May 2021 17:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter