Tanba pandemia globál Covia-19, obriga estadu Timor-Leste (TL) implementa Konfinamentu Obrigatóriu ho Serka Sanitária (SS), nu'udár medida ida hodi halo prevensaun Covid-19.

“Loloos ne'e, ami dehan to'o Jullu ne'e atu 31 ne'ebé seidauk iha kooperativa ne'e hakarak hari'i hotu, maibé realistiku de'it, ho konfinamentu ne'e halo sirkunstansia, entaun ami labele la'o”, dehan Elizário Ferreira iha Akait, tersa (18/05).

Aleinde ne'e, atividade formasaun mós sira hapara provizoriu durante fulan rua ona, maibé dadaun ne'e sira iha ona re-ajendamentu ba formasaun hodi kobre ba postu administrativu 31 ne'ebé seidauk iha kooperativa.

Ekipa téknika sira iha SEKoop, adaun ne'e, estabelee ona departamentu sira, atu nafatin hala'o atividade monitorizasaun, supervizaun ba kooperativa sira ne'ebé eziste.

“Agora, ida seluk kona-ba supervizionamentu la'o hela, tanba liuhusi teste ne'ebe mak ami komesa halo ba ami-nia funsionáriu sira, e halo sira akompaña nafatin kooperativa sira-nia funsionamentu”, afirma nia.

Maibé promete to'o fulan-dezembru tinan 2021, postu administrativu 65 sei iha hotu kooperativa hotu. “Ne'e mak ami nia promete”. (*)