Print this page

Timor Gap 'Kontra' Akordu, EDTL Halo Ona Karta Xamada Dalarua

Prezidente Eletridade de Timor-Leste, empreza públika (EDTL,ep), Paulo da Silva. Prezidente Eletridade de Timor-Leste, empreza públika (EDTL,ep), Paulo da Silva. Foto Tempo Timor

Tempotimor (Dili)-Prezidente Konsellu Administrasaun Eletridade de Timor-Leste, empreza públika (EDTL,ep), Paulo da Silva hatete, sira halo ona karta xamada dalarua ba Timor Gap,ep tanba seidauk haruka mina ba Sentrál Eletrika Betanu tuir akordu.

“Tuir kalendáriu iha 1⁰ ka 2⁰ semana fulan-abríl sira tenke hatama mina ba sentrál depois sira halo preparativu sira ne'e sira iha razaun to'o agora sira seidauk haruka mina entaun ami halo ona Karta Xamada dala rua”, deklara Paulo da Silva iha nia kna’ar fatin Vila Verde, tersa (18/05).

Tanba kontratu ne’ebé halo ho Timor Gap iha fulan-marsu ho osan montante osan millaun US$59.2 atu oferese mina litru millaun 3 resin ba sentrál eletrika Betano durante tinan 2 fulan 4.

“Ita iha kontratu iha loron 30 fulan-marsu ho osan millaun US$59.2 ba Timor Gap'ep atu oferese mina ba Eletrika Sentrál Betano”, afirma nia.

Governu fó komfiansa ba Timor Gap hodi oferese kombustivél ba Sentrál Eletrika Betano hetan ona vistu husi Tribunál atu fornese mina maibé to'o oras ne'e Timor Gap seidauk fornese mina.

Maski notísia ne’e www.tempotimor.com hatún maibé seidauk hetan konfirmasaun husi parte Timor Gap,ep, tanba jornalista ba diretamente iha edífisiu Timor Gap,ep iha loron tersa (18/05), maibé Prezidente Timor Gap,ep laiha fatin. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items