Login to your account

Username *
Password *
Remember Me

SEPS Entrega Tenda 47 Ba Vítima Inundasaun Iha Maslidun

Sekretáriu Estadu Protesaun sivil (SEPS), Joaquin José G.dos Reis Martins entrega hela apoiu ba vítima inundasaun iha Maslidun, sesta (14/05). Sekretáriu Estadu Protesaun sivil (SEPS), Joaquin José G.dos Reis Martins entrega hela apoiu ba vítima inundasaun iha Maslidun, sesta (14/05). Foto Tempo Timor

Tempotimor (Dili)-Sekretáriu Estadu Protesaun sivíl (SEPS), Joaquin José Gusmão dos Reis Martins, hatete governu apoiu tenda hamutuk 47 inklui kulsaun no solar lampu atu komunidade sira bele uza provizóriu iha área Maslidun.

 “Hanesan governu la konsege servisu mesak tanba ne'e mak durante dezastre naturál hetan nafatin apoiu husi ita-nia parseira sira husi liur, nune'e ohin loron ami entrega uluk 47 tenda ho kulsaun nomós solar lampu hodi uza provizóriu, e depois sei kontinua distribui ba vítima sira seluk ne'ebé seidauk hetan”, dehan Joaquin José iha aldeia maslidun, sesta (14/05).

Aleinde ne'e fó agradese ba koordenadór ida ne'ebé servisu maka'as bele halibur ona komunidade vítima sira, ko'alia no fó hanoin ba sira, haree no rona nafatin sira-nia preokupasaun hodi hato'o nafatin ba governu.

Iha fatin hanesan koordenadór aldeia Maslidun, Bernadete Salsina hatete, vítima ba inundasaun hamutuk uma kain rihunrua-hitu (2007), maibé uma kain haatnolu-resin-tolu (43) simu ona apoiu, tanba fatin atu hari’i tenda la sufisiente.

“Protesaun sivíl no parte sira seluk ne'ebé apoiu ona ami, ho tenda, kulsaun, solar lampu nomós muskitéru balun, ami agradese e ami husu nafatin atu apoiu ba maluk sira ne'ebé seidauk hetan ne'e”, afirma nia.

Aleinde ne'e nia husu mós ba iha governu atu tau matan ba sira nafatin, tanba durante ne'e komunidade infrenta tebes ho fatin no ai-han no husu ba apoiu nafatin ba sira ne'ebé seidauk hetan tenda. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter