Login to your account

Username *
Password *
Remember Me

SEPS Entrega Material Konstrusaun Ba Vítima Inundasaun Iha Bemori

Sekretáriu Estadu Protesaun sivil (SEPS),Joaquin José G.dos Reis Martins entrega sasan konstrusaun uma nia ba famila vitima inundasaun iha suku Bemori, sesta (14/05). Sekretáriu Estadu Protesaun sivil (SEPS),Joaquin José G.dos Reis Martins entrega sasan konstrusaun uma nia ba famila vitima inundasaun iha suku Bemori, sesta (14/05). Foto Tempo Timor

Tempotimor(Dili)-Sekretáriu Estadu Protesaun sivil (SEPS), Joaquin José G.dos Reis Martins hatete, governu entrega ona material konstrusaun ba uma ka'in tolu ne’ebé sai vítima ba inundasaun iha suku Bemori, loron 04 fulan-abril tinan 2021.

"Ohin husi governu ita komesa lansamentu ba faze depois de apoiu umanitária, e tuir mai faze rekuperasaun siknifika faze ida ne'ebé ita apoiu ba komunidade nia uma ne'ebé hetan estragu totál, e sasán sira ne'ebé ohin ita oferese hanesan jinco kalen 50, sumente saku 25, besi 12 mili no 8 mili, pregu no arame”, informa Joaquin José iha Sede suku Bemori, sesta,(14/05).

Ba ajudu ida ne'e la'ós atu rezolve kedan problema komunidade nia, maibé ajudu sira ne'e governu fó hanesan jestu ida ne'ebé halo kmaan sofrementu ne'ebé mak komunidade iha.

Maibé, Governu nafatin tau matan, no sei fó nafatin apoiu to'o dadus sira ne'ebé SEPS rekolla bele hetan hotu apoiu to'o remata.

Aliende ne’e, husu ba vítima inundasaun ne'ebé seidauk hetan apoiu, hakbesik-an ba xefe suku sira, hodi nune'e bele rejustu iha lista reklamasaun tuir mai, tanba apoiu hirak ne'e ba ema vitima sira.

Iha fatin hanesan, Cristalina de Oliveira, nu'udar xefe suku agradese tebes ba parte governu tanba bele ajuda ona komunidade ne’ebé sai vítima ba inundasaun.

Maibé, rekomenda ba komunidade sira ne'ebé sai vítima, bainhira halo konstrui uma halo iha fatin ne'ebé seguru.

Dadus ba vítima iha suku Bemori, família afetadu hamutuk 21, maibé uma kain tolu ne'ebé grave liu mak hetan uluk ona apoiu no sira seluk tuir.

Nune’e, Evalina dos Santos nu'udar família vítima sente kontente tanba bele hetan netik apoiu ba konstrusaun uma nia

"Sente kontente no agradese tanba hetan ona apoiu material konstrusaun uma nia hodi hakmaan netik ona susar ne'ebé ami iha no ami bele halo fali ona ami-nia uma maske ho sasán ne'ebé natón husi governu”, afirma nia. (*)

 

Rate this item
(0 votes)
Last modified on Friday, 14 May 2021 17:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter