Print this page

Komunidade Bekora Simu Sesta Bázika Laiha Distánsia Sosial

Komunidade husi Aldeia Klakfuik suku Bekora ne'ebe hamrik hela atu simu ai-han sesta bazika, iha sede suku Becora, kinta (13/5). Komunidade husi Aldeia Klakfuik suku Bekora ne'ebe hamrik hela atu simu ai-han sesta bazika, iha sede suku Becora, kinta (13/5). Foto Tempo Timor

Tempotimor (DILI)-Komunidade sira iha suku Bekora, Postu Administrativu Cristo Rei, Munisípiu Dil kontra hela regra ba prevensaun Covid-19, tanba laiha distánsia sosial bainhiara simu sesta Bázika.

Xefe Suku Bekora, António da Silva Soares hatete, distribuisaun sesta bázika iha sede suku Bekora, komunidade sira laiha distansiamentu no balun la uza máskara

"Ita fó hatene katak agora ita iha estadu emerjénsia, hothotu tenke dok malu metru ida hanesan ne'e no uza máskara. Maibé ha’u hatete lolos de'it, barak mak la uza, mais ha’u hanoin katak barak la uza, tanba sira sona tiha hotu ona aimoruk, inklui Swab, mais agora sira seluk ne’ebé seidauk ne'e tenke uza máskara”, dehan nia iha sede suku Bekora, kinta (13/05).

Tanba ne'e, distribuiasaun Sesta bázika ne'ebe hala'o ba komunidade aldeia Klakfuik iha sede Suku Bekora oin, konsege halibur ema barak, no laiha distansiamentu sosial, inklui iha komunidade balun la uza máskra.(*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items