Login to your account

Username *
Password *
Remember Me

Plan Internasionál Apoiu Sasán Bázika ba Komunidade Lahane Osidentál

Xefe Aldeia Belavista, Romano Pereira simbolikamente entrega sasan ba Komunidade iha sede Suku Lahane Osidentál kinta (13/5). Xefe Aldeia Belavista, Romano Pereira simbolikamente entrega sasan ba Komunidade iha sede Suku Lahane Osidentál kinta (13/5). Foto Tempo Timor

Tempotimor (DILI)-Plan Internasionál iha Timor-Leste servisu hamutuk ho Governu, kinta (13/05), fó apoiu sasán bázika ba komunidade hamutuk atus-ida-sanulu (110) iha suku Lahane Osidentál, Postu Administrativu Vera Cruz, Munisípiu Dili.

Safeguarding Fical Point Plan Internasional iha Timor-Leste, Delsio Guimarães hatete, ho distribuisaun pakote ne'e la'ós hahán, maibé pakote kona-ba sasán (rekursu) hodi oferese ba vítima dezastre naturál, inklui ema vulnerável, ka difisiente sira iha Lahane Osidentál.

Husi distribuisaun ida ne'e atubele hakman todan hirak ne’ebé vítima sira hasoru, durante iha medida serka sanitária nomós dezastre naturál iha loron 4 fulan-abril.

"Ohin, ita hahú ita-nia atividade distribuisaun pakote la'os hahán nian, ne'ebe mak fundu ne'e apoiu husi StarFong (Inglaterra), liuhusi plan Internasional, servisu hamutuk ho governu”, hatete nia hafoin partisipa iha distribuisaun hahán ba komunidade iha Sede suku Lahane Osidentál, kinta (13/05).

Iha kooperasaun ne’ebé halo ho Sekretariu estadu Protesaun Sivil (SEPS) inklui Ministeriu Solidaridade Sosiál Inkluzaun (MSSI), hodi halo distribuisaun sira ne'e ba uma kain sira ne'ebe mak hetan afetadu ba dezastre inundasaun, ne'ebe mak akontese iha loron 4 fulan-abríl tinan 2021.

Programa distribuisaun ida ne'e Plan Internasional sei hala'o ba munisipiu tolu, hanesn Dili, Aileu, Ainaro, durante loron 45.

"Iha munisipiu Dili, Plane Internasional kobre Suku rua de'it, maka Lahane Osidental aldeia 11, no suku Madohi hamutuk aldeia 8,"hatete nia.

Iha fatin hanesan Xefe Aldeia Bela-Vista, Romano Pereira hatete, nia parte agradese ba apoiu hirak ne’ebé mak Plan Internasionál servisu hamutuk ho governu hodi oferese ba populasun Lahane Osidental.

Ajudus sira ne'ebé mak mai husi Plan Internasional sai parseiru ba governu, sira servisu hamutuk dezastre naturál ninian.

“Ami la haree ba nia kuantidade boot ka ki'ik, maibé buat ne'ebe mak jestu de solidaridade mai ami-nia komunidade sira afetadu, ami simu ho agradese”, dehan nia.

Maibé, autoridade sira mos sei nafatin esforau atu buka meiu halo kooperasaun ho governu oinsá mak bele fo mós apoiu ba kbiit la'ek sira iha situasun serka sanitária.

"La signifika dehan ho tulun ida ne'e la hare liu ba dezastre natural ne'ebe afetadu, maibe hare mos ba ema vulnuravel sira, ho mós ema sira ne'ebe mak defisiente, kbi'it la'ek teb-tebes mak ajudu sira ne'e la'os aihan maibe sasn ne'ebe mak ba dapru ninian”, hatete nia.

Sasan hirak ne'ebe mak distribui ba komunidade 110, mak hanesan Sanan, Valde, Bikan, Kanuru, Kopu, Buli-Cok, Biti inklui seluk tán.

Enkuantu totál populasaun iha suku Lahane Osidental hamutuk 1.436 ne'ebé kompostu husi aldeia 11 hanesan Ainitas-Hun, Bedois, Bela-Vista, Carr
e-Laran, Correio, Gomes-Araujo, Hospital Militar, Mota-Ulun, Paiol, Rai-Kuak, Teka Hudi-Laran. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter