Apoiu ne'e, fó liuhusi Cooperativa Café Timor (CCT), iha loron sesta (07/05) entrega ona ba governu ne’ebé simu direta husi Sekretáriu Estadu Protesaun Sivíl (SEPS), Joaquim Gusmăo dos Reis iha Kaikoli.
“Ohin ne'e, ita hetan apoiu husi Nova Zelándia, liuhusi CCT ne'ebé mak apoiu ita kafé, iha primeira faze ne'e ho 5 mil pakote, e segunda faze nian, parese semana oin, sira sei fó tan mai 10 mill pakote”, dehan Joaquim iha nia kna’ar fatin, Kaikoli, sesta (07/05).
Apoiu ne'e, importante ebes ba Timor-Leste, tanba maioria populasaun sempre konsumu kafé, nune'e, husi pakote apoiu umanitáriu hirak ne’e, governu deside atu fó komunidade sira ne'ebé afetadu dezde uluk.
“Ita-nia pakote ida ita bolu naran food item ne'e, inklui mós kafé ho xá iha laran. Ho apoiu ida ne'e, ita sei inklui mós kafé ne'e ba apoiu ita-nia komunidade sira”, afirma nia.
Diretór Jerál Cooperativa Café Timor (CCT), Xisto Moniz Piedade informa, apoiu refere sira hetan fundu mai husi governu Nova Zelándia hodi fornese kafé.
Durante tinan barak ona servisu ho Nova Zelándia, liuhusi apoiu fundu hodi halo reabilitasaun ba kafé iha TL.
Maibé apoiu ne’e faze ikus liu mak kafé u’ut hodi distribui fali ba vítima sira ne'ebé hasoru problema hanesan uma bee sa'e.
“Ami hetan fundus husi Nova Zelándia ne'e, ami hetan 10 mill pakote, mais ohin ami lori 5 mill mai, hela 5, semana oin mak ami lori mai tan, maizumenus 5 tonelada kafé uut, ita lori mai iha ne'e”, dehan nia.(*)
