Tempotimor (Dili)-Ministru Kordenadór Assuntus Ekonómikus (MKAE), Joaquim Amarál, hatete governu sei analiza hela ba saláriu minimu traballadór sira iha Timor-Leste.
“SEPFOPE prepara ona oras ne'e ita halo hela análiza, buat ne'e prosesu naruk hela lori tinan naruk ona, ne'e duni importánsia atu análiza maibé nia tempu badak sei rezolve ida ne'e”, afirma Ministru Joaquim iha Ministériu Finanas, kuarta (05/05).
Antes ne'e Konfederasaun Sindikatus Traballadór Timor-Leste (KSTL) rekomenda ona ba MKAE atu hasa’e saláriu mínimu ba traballadór ho montnate US$200.
“Ha'u hanoin hanoin valór ne'e tenke bazeia ba análiza ida versaun husi KSTL nian, nune'e governu mós tenke halo nia análiza no kalkulu rasik hodi hetan montante razoavel tanba ita hatene ne'e iha Timor-Leste estadu mak fó empregu barak liu”, dehan nia. (*)
