Login to your account

Username *
Password *
Remember Me

ANC Legaliza kompaña Raph Vision Electronic sai Fornesidór ISP

Ministru Transporte Komunikasaun (MTK), José Agustinho da Silva akompaña husi Prezidente ANC no Diretór Tekniku Autoridade Nasionál Komunikasaun (ANC) entrega hela sertifikadu ba Jestór Kompaña Raph Vision Electronic Unipesoal, Lda Joyanes Jefri Yap, iha MTK, Merkadu Lama, segunda (3/5). Ministru Transporte Komunikasaun (MTK), José Agustinho da Silva akompaña husi Prezidente ANC no Diretór Tekniku Autoridade Nasionál Komunikasaun (ANC) entrega hela sertifikadu ba Jestór Kompaña Raph Vision Electronic Unipesoal, Lda Joyanes Jefri Yap, iha MTK, Merkadu Lama, segunda (3/5). Foto Tempo Timor

Tempotimor (Dili)-Ministériu Transporte no Komunikasaun (MTK) liuhusi Autoridade Nasionál Komunikasaun (ANC) legaliza rejistu hodi atribui lisensa ba kompaña Raph Vision Electronic Unipessoal, Lda, nu’udar fornesidór ba Internet Service Provider (ISP) iha Timor-Leste (TL).

Ministru Transporte Komunikasaun (MTK), José Agustinho da Silva hatete, ba faze distribuisaun sertifikadu rejistrasaun ba kompaña Raph Vision Electronic, tanba kumpri ona rekerjitu sira tékniku, administrativa, tékniku alternativa telekomunikasaun nomós parte asesor legál  sira ho ANC kria ona dokumentu jurídiku nian

“Ne'e mak ohin loron atribui ka fahe sertifikadu ba kompaña Raph Vision Electronic”, dehan Ministru José Agustinho ba Jornalista sira iha Salaun ANC, Merkadu Lama, segunda (03/05).

Maibé ANC sei halo supervizaun ba atividade atu labele para iha atribuisaun sertifikadu, maibé asaun iha terenu tenke rápidu ba atendementu klientes sira hodi rezolve problema internet.

“Ha'u hanoin kompaña sira sei sai na'in ba governu oinsá ita buka soluasaun ba informasaun iha Timor-Leste, oinsá mak ita bele fó solusaun velosidade internet, ne'ebé durante ne'e lenuk teb-tebes, para ita bele fasilita kliénte sira”, afirma nia.

Iha fatin hanesan, Jestór Kompaña Raph Vision Electronic Unipessoal, Lda, Johanes Jefri Yap hatete, sira kumpri ona hatama dokumentu tuir Ministru ko'alia no sira tenke hahú ho buat seluk tanba ida ne'e foin rejistu.

“Ami tenke hahú tan dokumentu seluk ba ANC nune'e ami bele hetan lisensa, para ami bele halo investe iha rai Timor no bele lori internet mai Timor ho kualidade di'ak ho presu ne'ebé ladun karun”, dehan nia.

Nune'e tuir planu kompaña Raph Vision Electronic Unipessoal, Lda, sei foti internet husi Indonézia ho satellite hotu nomós internet ne'ebé, sei kobre de'it iha kapitál Dili. (*)

 

Rate this item
(1 Vote)
Last modified on Monday, 03 May 2021 22:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter