Print this page

Brazil ho Prontidaun Tulun SEKoop Dezenvolve Área Kooperativa haat

Sekretária Estadu Kooperativa (SEKoop), Elizário Ferreira (loos), diskute hela kooperasaun servisu ho Embaixadór Brazil iha TL, Mauriçio Medeiros de Assis iha Akait, kinta (29/04) Sekretária Estadu Kooperativa (SEKoop), Elizário Ferreira (loos), diskute hela kooperasaun servisu ho Embaixadór Brazil iha TL, Mauriçio Medeiros de Assis iha Akait, kinta (29/04) Foto Tempo Timor

Tempotimor (Dili) - Governu Brazil ho prontidaun tomak sei tulun Sekretária Estadu Kooperativa (SEKoop) hodi dezenvolve área kooperativa haat iha Timor-Leste.

Sekretária Estadu Kooperativa (SEKoop), Elizário Ferreira informa, área kooperativa haat ne'e mak kréditu, agrikula, komérsiu, ho produsaun.

Maibé, iha kréditu nian mak sei hasae kapasidade formadór no dirijente kooperativa sira hodi halo jestaun ba membru sira.

Nune’e mós iha kooperativa agrikula nian atu eduka populasaun sira bele hatene halo produsaun ho kuantidade boot, kualidade no sustentável.

Husi komérsiu no produsaun nian oinsá atu lori produtór sira ba koñese merkadu, nunee bele hasa'e kuantidade produsaun.

"Área haat ne’e governu Brazil atu apoia SEKoop mak kooperativa multi setoral, oinsá mak atu asegura merkadu ho relasaun sira integradu iha dezenvolvimentu kooperativa", dehan Elizário, iha Akait-Formosa, kinta (29/04).

Tanba ne’e, parte rua sei halo téknika hodi hahú ona ho implementa programa.

Nia mós propoin ba embaixadór Brazil bele apoiu formasaun ba funsionáriu sira liuhusi estudu komparativu.

Embaixadór Brazil ba Timor- Leste, Mauriçio Medeiros de Assis hatete, governu Brazil komprometidu tulun SEKoop hodi dezenvolve área kooperativa sira iha TL.

“Ita-boot (jornalista) sira hatene Brazil iha área kooperativa dezenvolve di'ak tebes hanesan kooperativa agrikula no sira seluk ne’e dezenvolve di'ak. Tanba ne’e ami prontu apoiu hodi dezenvolve área agrikultra iha Timor no seluk tan”, dehan Embaixadór Mauríçio iha Akait.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items