Print this page

Ofisialmente, Trans Nusa Hahú Semo Dili-Kupang Featured

Trans nusa Trans nusa foto especial

Tempotimor (Dili): Ohin, ofisialmente aviaun husi kompaña aviasaun Trans Nusa hahú ninia operasaun hodi liga Dili ho Kupang, liu husi lansamentu ne'ebé halo iha Aeroportu Internasional Nicolau Lobato Dili.

Vo internasional ne'e konsege realiza ho serbisu hamutuk entre Kompaña Aviasaun Air Timor ho Trans Nusa.

Diretór Air Timor Francisco de Oliveira agradese ba Trans Nusa ne'ebé hatudu sira-nia interese hodi realiza vo ida ne'e.

“Ohin halibur malu iha ne'e hodi selebra vo internasional... liu husi desizaun ne'e bele hadi'ak liu tán relasaun ekonómika, familiares, diplomátikas inklui populasaun entre Timor Leste no Indonezia. Nune’e Air Timor hakarak agradese ba diretór no funsionáriu sira iha kompaña Trans Nusa ne'ebé fó apoiu espesiál husi prezidente ANATL no AACTL inklui funsionáriu sira iha Timor Leste”, kongratula diretór Air Timor Francisco hafoin halo lansamentu ba aviaun Trans Nusa, Sesta (14/06/2019).

Iha fatin hanesan Pzidente Autoridade Nasional Aviasaun Timor Leste (ANATL) Romaldo António agradese ba governu Repúblika Demokrátika Timor Leste no Repúblika Indonézia inklui embaixadór indonézia neebé fó apoiu hodi realiza vo internasional ne'e.

“Hanesan empreza públika opinsa mak ami buka, see de'it, kompaña Air see de'it mai iha ne'e ami suporta no apoiu par kontinuasaun vó ne'e ba oin nafatin," dehan nia

Prezidente nee mós espera katak prezensa Trans Nusa bele rezolve polémika ne'ebé la'o iha Timor Leste hanesan presu ba bilete. Hein katak Trans Nusa mai bele fó presu ida ne'ebé di'ak atu nune'e bele fasilita viajen povu husi nasaun rua ne'e di'ak liu tán.

Entretantu, Diretór Trans Nusa Airline, Resnandi mós agradese ba oportunidade ba Trans Nusa hahú operasaun Dili-Kupang-Dili ne'ebé hetan apoiu maka'as husi indústria sira iha Timor Leste.

“Loos duni operasaun ida ne'e husi ami-nia esperansa hanesan airline ne'ebé bele sai hanesan mákina ekonomia ninia ba nasaun rua entre Timor Leste ho Indonézia”, dehan diretór ne'e.

Nia mós garante liu husi transporte aerea ne'e bele fasilita sasan sira mai Timor Leste ho lalais liu tán inklui fó apoiu dezenvolvimentu ekonomia nasaun rua ne'e.

Tuir planu aviaun Trans Nusa rute Dili-Kupang-Dili sei hala'o operasaun semana ida dala rua, Segunda no Sesta. Aviaun Trans Nusa iha kapasidadw atu tula ema nain 72, inklui pilotu no tékniku na'in hitu

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items