Print this page

Timoroan Iha Inglatera Fó Apoiu Solidariedade ba Vítima Inundasaun

Timoroan sira iha Inglatera tau hamutuk sira nia kontribuisaun hodi tulun sira nia maluk ne'ebe kona inundasaun iha Timor Leste, Tersa (6/4) Timoroan sira iha Inglatera tau hamutuk sira nia kontribuisaun hodi tulun sira nia maluk ne'ebe kona inundasaun iha Timor Leste, Tersa (6/4) Foto Suplai

Tempotimor (Dili)- Timoroan sira iha nasaun Inglaterra liliu iha sidade Oxford, organiza malu hodi fó solidaridade ba vitima inundasaun iha Timor-Leste (TL).

Apoia ne’ebé iha, tuir planu loron 12 fulan-abríl sei haruka osan no sasán hanesan apoiu dahuluk liuhusi uma kreda nian karidade mai Timor-Leste.

Xefe Komunidade Oxford, Rosalia da Costa hatete, nu'udár timoroan hakarak fó solidaridade ba malu tanba, haree ba Timor-Leste enfrenta tebes situasaun difísil.

"Fó tulun husi osan no sasán. Sasán ita haruka sei lori tempu mak foin to'o, kala fulan ida ka rua, maibé se ita haruka osan sei to’o lalais, etapa dahuluk sei haruka iha dia 12 de abril 2021”, informa Rosalia ba www.tempotimor.com, tersa (06/05).

Haree ba Timor-Leste agoraeinfrenta situasaun difísil timoroan sira ne'ebé iha nasaun Inglaterra liuliu sidade Oxford, halo apelu katak, hamutuk iha hatudu asaun solidaridade ba malu.

"Haree ba Timor ho matan wen, ha’u-nia rain monu ona ba susar, o rai Lorosa’e, ami-nia uma, fotografia mídia sosial facebook nian, ha’u haree uma nia kakuluk de'it mak namlele hela iha bee leten. Imajen ne’ebé hatauk no haterus tebes. Udan no mota boot sobu populasaun nia uma, halakon ema nia vida, estraga sasan inundasaun iha fatifatin, bee merak haleu kapital nasaun nian”, Rosalina hato’o sentimentu triste.

Asaun ne'e halo tanba haree iha pájina Gabinete Vise Primeiru Ministru, no Ministru Planu Ordenamentu Territórial katak, kalamidade ne’ebé boot liu iha tinan 40 resin nia laran.

Família barak mak buka refujiu, ferik no katuas, inan-isin rua, defisiente, labarik, foinsa’e sira halibur iha uma kreda nia mahon hamutuk ho Amo no Madre sira no fatin sira ne’ebé seguru liu.

Dezastre ne’e fó impaktu ba infraestruturas bazika, luron barak mak att, ponte sira mós hetan estragus difikulta tebes distribuisaun ai-han, bee-mos, medikamentus no apoiu umanitariu sira inklui fasilidades liña enerjia no komunikasaun mós difísil .

“Iha momentu sira difísil mak prova ba ita unidade, no la husik malu. Tanba oras ne’e moris sai difisil liu tán, hahú kedas iha tempu moras ka surtu Covid19 ne'ebé kleur tebes, kontinua ho dezastre naturál ne'ebé kruel tebes, afeta ona familia barak iha Dili inklui iha Munisípiu sira seluk”, afirma nia.

Bainhira susar mai, timoroan mak hamutuk, hamutuk iha hanoin no asaun, tanba ne'e, halo apelu ba timoroan iha Oxford, Inglaterra atu kontribui iha asaun solidariedade ida ne’e.

Nune'e, Timoroan iha Inglatera fó solidaridade, no apoiu sira ne’e sei kanaliza liuhusi dioseze no Timoroan sira tenke lolo liman ba malu, fó solidariedade liuhusi aktu umanitária urjente ida ne’e.(*)

Rate this item
(2 votes)
Last modified on Tuesday, 06 April 2021 22:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com