Aviaun Voo Airnorth rua diresaun Darwin Austrália ne'ebé Charter husi Banku Central Timor-Leste (BCTL) hodi tula osan refere, mai Timor-Leste.

Alende ne'e, iha área Aeroportu lahanesan ho situasaun babain bainhira Voo sira seluk to’o iha Aeroportu, basta situasaun atual diferente tamba akonpanã hosi Unidade Espesial Polisia/Batallaun Ordem Publiku-PNTL ne'ebé seguransa regurozu tebes.

Tuir observasaun jornalista www.tempotimor.com iha terenu nota aviaun Airnorth wainhira to’o iha Aeroportu Komoro iha funsionáriu no autoridade sira husi Banku Central Timor-Leste (BCTL) inklui autoridade seguransa hamutuk ona iha área aeroporto hodi simu osan ne'e.

Informsaun ne’ebé iha aviaun Airnorth dahuluk tula osan ho montante liu tokon atus, tanba iha mós aviaun seluk ne’ebé tula osan ho montante hanesan.

Hafoin Aviaun Airnorth tun iha Aeroporto, autoridade BNCTL, seguransa inklui mós parte relevanta hamutuk hotu no karreta box rua husi BCTL ne'ebé akompanã mós husi PNTL tama iha aeroporto laran hodi tula sai osan iha aviaun.

Hafoin remata kareta Box rua ne'ebé tula osan sai husi Aeradores Aeroportu iha 14:58 OTL akonpanã kedan husi ekipa BCTL no seguransa BOP - PNTL hodi transporta ho destinasaun ba edifisiu BCTL no to'o iha Akait iha 15:03 OTL.

Tuir orariu ohin Voo Airnorth hanesan kargo tun iha Aeroportu Timor-Leste dala-rua, ida iha oras 13:18  aviaun ho numeru flight TL 904/AN0904 no Aviaun Airnorth ida seluk ho numeru TL 902/An0902 sei too iha 13 : 55 Otl.

Antes ne’e informasaun balun mosu husi observador akademiku, reliziozu sira inklui mós politiku sira deklara katak Estadu Unidus Amerika sei la haruka osan mai TL, maibé realidade ohin loron osan mai ona. (*)