Iha semena hirak ikus, komisaun D observa direta iha armajen CLN haree, fós hamutuk tonelada rihun 28, ne’ebé tau iha armazen laran, no ninia estimativa sei garante to'o fulan tolu.
"Momentu ami vizita ne'e ninia estimativa to'o fulan tolu”, dehan nia iha PN, kuarta (24/3).
Estimasaun husi stock fós hirak ne'e bele augenta to'o fulan tula sei wainhira lockdown ka serka sanitária ne'e aplika de'it na Munisípiu dili.
“Keta buat ne'e lockdown total bele halo intervensaun mais agora ne'e balun de'it ezemplu iha Díli de'it, entaun ita bele dehan atu atende nesesidade ne'e”, hatete nia.
Bainhira mosu intervensaun maka’as nune'e haree fós mós menus entaun, governu mós iha osan atu sosa, no maneira atu sosa ne'e bele liga ba produtu lokál rai laran,kuandu la sufisiente, tenke sosa filafali iha Vietname.
Durante vizita ne'e, Komisaun D mós nota kondisaun armazen Centru Lojistika Nasional, presiza hadia tan moru inklui kalen kuak.
Maibé, Komisaun D hein, governu iha kapasidade no iha orssmentu, atu rezolve tanba problema ida ne'e akontese kleur ona, nune'e parte CLN mós hato'o ona proposta ba governu.
“Ami mós ba vizita armaze ne’ebé sentru lojistika nasional nian ne'e kondisaun di’ak enjeral, maibé presiza mós hadi’a, porezemplu, moru balun mós ita presiza hadi’a, kalen kuak, mais buat ne'e la'os foin agora ne'e, mais kleur ona sira fó proposta atubele hadi’a, maibé ita hein katak, dentru de kapasidade governu, orsamentu ne'e iha, sira bele hadi’a, halo manutensaun ba armaze sira ne'e”, hatete nia.(*)