Tempu Badak, Governu Sei halo Intervensaun Folin Foos iha Covalima

Tempotimor (Dili) – Governu liuhusi Ministériu Turismu Komérsiu no Indústria (MTKI) no Sentru Lojístika Nasionál (CLN) sei halo intervensaun ba folin fós iha Munisípiu Covalima iha tempu badak.

Ministru Turismu Komérsiu no Indústria José Lucas do Carmo, simu ona pedidu formál hosi autoridade Covalima no Bobonaro nian iha semana liubá no koordena ona ho MKAE no CLN hodi prosesu intervensaun ba merkadu iha munisípiu rua ne’e.

“Ministru simu tiha ona no agora ne'e iha ona MKAE ko’alia ho CLN atu hatún halo intervensaun ba merkadu,” Ministru José Lucas ko’alia iha Palásiu Governu, tersa (02/03).

Iha parte seluk, Xefe Suku Taroman Leonel Asa, katak fós iha postu Fatululik suku Taroman folin fós sa’e no hahú menus, daudaun ne'e fós saka ida kilógrama 25 ho folin sa’e ba dolar $17 to’o $18.

Nune'e Leonel Asa, husu ba governu relevante atu tau matan mós ba postu administrativu Fatululik, nune'e povu labele mate ba hamlaha.

Entertantu observasaun www.tempotimor.com iha terrenu katak, iha merkadu Suai folin fós kilógrama 25 kada saka sa’e $14.50 sentavu, kareta sira-ne’ebé bainbain fa’as fós iha postu Fatululik, Fohorem, Maukatar, Zumalai no Tilomar, la halo movimentu tanba situasaun munisípiu Covalima iha ona transmisaun lokál, liuliu iha postu Tilomar no Fatumea.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter