Login to your account

Username *
Password *
Remember Me

Funsionáriu 144 Sidauk Simu Saláriu Inklui Na'in-30 hosi KI

Ulun bo'ot sira iha KI hasoru malu iha KI nia kna'ar fatin Ulun bo'ot sira iha KI hasoru malu iha KI nia kna'ar fatin Foto Midia KI

Tempotimor (Dili)- Funsionariu Públiku (FP) na'in-144 inklui na'in-30 hosi Konsellu Imprensa (KI) seidauk simu saláriu ba fulan-janeiru tinan 2021 nian, tanba falla iha kada ministériu no instituisaun sira.

Diretora Jerál Tezouru hosi Ministériu Finansa (MF), Regina de Jesus de Sousa klarifika ba públiku katak, pagamentu saláriu fulan-janeiru ba funsionáriu balun seidauk, tanba kontratu mate ona iha loron 31 fulan-dezembru tinan 2020, maibe ministériu sira seidauk halo pedidu ba Ministériu Finansa.

"Atu hatán ba preokupasaun ne'ebé espalla iha mídia ne'ebé hateten katak, funsionáriu públiku barak mak seidauk simu saláriu, ha'u hakarak aprezenta razaun saida mak funsionáriu 144 la simu sira-nia saláriu," dehan nia iha edifísiu Ministériu Finansa, sesta (05/02/21).

Nia fundamenta, funsionariu na'in-144 ne'ebé to'o ohin loron seidauk simu saláriu ba fulan-janeiru tinan 2021 ne'e kompostu husi Imprensa Nasional Timor-Leste I.P (INTL), Ministériu Asuntu Parlamentár no Komunikasaun Sosial (MAPKomS).

Nune'e mós Sekretara Estadu Formasaun Profesionál no Empregu (SEFOPE).

Purtantu, funsionariu husi Imprensa Nasionál Timor-Leste I.P (INTL) na'in-46 seidauk saláriu fulan-janeiru nian, tanba submisaun pedidu hodi loke konta bankária tarde.

Hosi parte Konsellu Imprensa (KI) funsionáriu na'in-30 mak seidauk simu saláriu, tanba kontratu mate iha loron 31 fulan-dezembru tinan 2020, no oras ne'e seidauk simu kontratu foun husi Konsellu Imprensa no mos notifikasaun husi Komisaun Funsaun Públiku atu prosesa saláriu.

Ministériu ba Asuntu Parlamentár no Komunikasaun Sosial (MAPKomS) funsionariu na'in-11 ne'ebé destakadu iha Provedoria Direitus Umanus Justisa (PDHJ), maibé laiha konfirmasaun husi MAPKomS atu selu sira-nia salariu husi orsamentu MAPKoomS.

Nune'e, Ministériu Finansa komunika ona ba MAPKoomS no PDHJ atu fó konfirmasaun fonte orsamentu hodi selu funsionáriu na'in-11 refere, to'o ohin loron Ministériu Finansa sei hein hela resposta husi instituisaun rua ne'e.

Sekretariu Estadu Formasaun Profesional no Empregu (SEFOPE), iha funsionariu na'in-57 mak saláriu atrazu, tanba iha problema ho mapeamentu ba kódigu orsamentál foun, ne'e duni iha hela prosesu nia laran atu finaliza ba banku ohin loron ka tarde liu segunda-feira semana oin.

Ministériu Finansa hakarak informa ba publiku katak, mudansa sira iha baze de dadus inisiu kada tinan, normál tanba tenke atualiza tuir orsamentu aprovadu iha Parlamentu Nasionál.

MF husu Ministériu idak-idak atu esplika ba sira-nia funsionariu kontratadu katak, bainhira sira+nia kontratu remata iha loron 31 dezembru tinan 2020, kada instituisaun mak iha responsablidade atu renova ka lae kontratu ba funsionáriu kontratadu sira.

Sistema payroll Ministériu Finansa nian sei rezeita automatikamente kontratu ne'ebé mate.

Nune'e, funsionáriu ne'ebé kontratu mate ona sistema la simu atu halo pagamentu ba sira-nia salariu, tanba ne'e, kada Ministériu ka instituisaun rezolve tiha lai hafoin bele haruka pedidu ba Ministériu Finansas hodi prosesa ba pagamentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter