Lia hirak ne'e hato'o husi Vise Ministra Finansa (MF) Sara Lobo Brites ba jornalista iha Parlamentu Nasionál, kuarta (3/2).

Nia konta tuir, iha semana kotuk Konsellu Ministru (KM) aprova ona deliberasaun ida, kona-ba pagamentu ba kompañia fornesedór cesta bázika tuir kontratu ne'ebé iha.

"Ha'u hanoin ida-ne'e konsellu Ministru iha semana kotuk halo ona deliberasaun ida atu selu kompañia ne'ebé to'o agora distribui hela cesta bázika," dehan nia.

Maiske governu iha ona desizaun atu selu kompañia sira, maibé governu mós sei presiza tempu atu halo prosesu sira-ne'e.

"Tanba destribuisaun ne'e sei la'o to'o fevereiru ne'e, entaun maske atrazu uitoan mais governu sei selu," hatete nia.(*)