“Prioridade ba turizmu ne’e atu kobre ba área hotu-hotu ne’ebé iha relevansia ba turizmu hanesan saúde, paz, estabilidade, seguransa, infraestruturas, otelaria, ospitalidade, sira ne’e importante tebes”, tenik Ministru Agio Pereira, iha CCD, Sesta (17/5).
Nia dehan, turizmu ne’e hanesan setór ida ne’ebé nasaun Timor-Leste presiza tebes para atu tulun no liberta ita hodi depende ba mina-rai, tanba mina-rai ne’e presiza esgotável tinan ba tinan ne’ebé uza sei hotu, maibé turizmu ne’e industri ida ne’ebé dezenvolve nafatin iha.
“Ita tenke haree mak iha kompetitividade, tenke iha kompetisaun barak. Tanba turizmu ne’e transversal, ema atum ai halo turizmu iha fatin ida primeiru ema tenke haree, rai ne’e iha paz, iha armonia, seguransa, transporte sira ne’e iha ka lae. Tanba ne’e mka ita ko’alia turizmu ne’e tenke ko’alia kualidade asesu saúde, kualidade asesu ba transporte no seluk tán”, dehan Agio.
Governu iha planu 2020 atu fó kbiit ba munisipalidade hodi dezenvolvimentu kapasidade rasik. Nune'e iha tinan rua ka tolu mai turizmu ne’e la’o makaas, tanba situasaun saúde mós la’o diak ona inklui fó formasaun makaas mós ba juventude sira, tanba dezenvolvimentu ne’e nia impktu ba juventude sira no povu nia moris diak.