Login to your account

Username *
Password *
Remember Me

Distribuisaun Ai-hán Cesta Bázika Ne'ebé Organiza husi SEKoop La'o ho Susesu

Sekretáriu Estadu Kooperativa (SEKoop), Elizário Ferreira koalia ho média sira hafoin relata nia servisu durante fulan 6 iha tinan 2020 kotuk ba PM-TMR iha Palásiu Governu, kuarta (06/01). Sekretáriu Estadu Kooperativa (SEKoop), Elizário Ferreira koalia ho média sira hafoin relata nia servisu durante fulan 6 iha tinan 2020 kotuk ba PM-TMR iha Palásiu Governu, kuarta (06/01). Foto Tempo Timor

Tempotimor (Dili)- Iha kuarta (06/01), Sekretária Estadu Kooperativa (SEKoop), Elizário Ferreira hasoru malu ho Primeiru Ministru (PM) Taur Matan Ruak (TMR), hodi relata asuntu haat ne'ebé sira hala'o ona iha tinan 2020 kotuk nomós asuntu prioridade sira-ne'ebé atu hala'o iha tinan 2021 ba oin.

“Ohin ha'u mai hato'o informasaun ba ha'u- nia xefi kona-ba atividade ne'ebé halo durante fulan 6 iha 2020 nian. Segundu hato'o mós boas entradas, hanesan xefi governu, terseiru relata atividade saida mak sei halo, ka programa ne'ebé sei halo iha 2021 no relata kona-ba prosesu distribuisaun Cesta Bázika iha parte Sekretária Estadu Kooperativa nian.

Asuntu haat ne'e maka relata ba Primeiru Ministru Taur Matan Ruak”, SEKoop, Elizário Ferreira ko'alia hafoin sorumutuk ho Xefe Governu iha Palásiu Governu, kuarta (06/01).

Nia dehan, munisípiu hitu hanesan Suai ne'ebé distribui hotu ona, sei hela Ainaro, Manufahi (Same), Aileu, Likisá, Manatuto no Lospalos, ne'ebé sai responsabilidade SEKoop nian hodi fahe Cesta Bázika ba komunidade sira, to'o oras ne'e la'o hakmatek tanba laiha lamentasaun ruma mak mosu husi komunidade durante ekipa sira halo distritribuisaun.

“Ba ha'u-nia área, agora ami seidauk hetan lamentasaun barak, tanba distribuisaun ne'ebé iha ami-nia área ne'e iha fleksibilidade boot bazeia ba populasaun nia produtu iha lokál ne'e rasik. Tanba cesta Bázika nia objetivu ne'e maka sosa produtu iha lokál, depois distribui fila-fali ba sira, kuandu atu iha troka ruma kona-ba produtu ne'e sempre halo uluk konkordánsia ho populasaun, tanba ida- ne'e laiha lamentasaun, problema ladún, kuaze laiha”, dehan nia.

Alende ne'e, durante halo distribuisaun, ekipa sira sempre iha koordenasaun no akompaña direita husi ekipa Komisaun Antí Korrupsaun (KAK) ho Provedór Direitus Umanus no Justisa (PDHJ) nunee maka laiha problema ruma durante prosesu distribuisaun.

Nia hatutan, maske TL enfrenta hela situasaun Estadu Emerjénsia ba dasiak, tanba Covid-19 maibé distribuisaun nafatin la'o maibé limita ema na'in sanulu (10) labele konsentra hamutuk iha fatin ida, mantein nafatin distánsia sosiál.

“Ema kuandu iha aldeia ida atu mai simu, ema na'in sanulu mak mai, molok to'o iha sentru ne'e fase uluk liman, simu lai maskára, hafoin bele ba aprezenta-aan, maibé ho distánisa ne'ebé maka iha, distribuisaun la'o hela no la'o ho kondisaun sira hanesan dadaun esplika ne'e, mantein nafatin distansiamentu sosial”, informa nia.

Elizário esplika, razaun tenke kontinua halo distribuisaun, tanba sé ho estadu emerjénsia ne'e maka la konsege distribui, bele afeta ba ekonómia sosiedade nian, labarik sira laiha ai-hán, númeru má-nutrisaun bele aumenta sai boot, tanba ida-ne'e maka distribui nafatin basta tenke kumpri nafatin orden protokolu MS nian sira fó-sai.

“Maskára oferese husi SEKoop ba idak-idak inklui sosa sabaun fase-liman ninian, para nia mai fase- liman atu nune'e besik ema kooperadór sira- ne'ebé maka besik iha ne'ebá, nia mai metru lima-nulu (50), bele fó ona ba nia uza fase-liman, kuandu 10 pesoa ne'e partisipa iha-ne'ebá, sira tuur ho distánisa ne'e metru-ida. tenik nia.(*)

Rate this item
(0 votes)
Last modified on Thursday, 07 January 2021 13:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter