Print this page

Governu Seidauk Bele husu pedidu ba BCTL Kona-ba Transferénsia OJE 2021

By January 06, 2021 1904
Ministru Finansas (MF), Rui Gomes ko'alia ba Jornalista sira hafoin hasoru malu ho Primeiru Ministru taur Matan ruak iha Palasiu do Governu Dili (5/1) Ministru Finansas (MF), Rui Gomes ko'alia ba Jornalista sira hafoin hasoru malu ho Primeiru Ministru taur Matan ruak iha Palasiu do Governu Dili (5/1) Foto Tempo Timor

Tempotimor (Dili)- Ministru Finansas (MF), Rui Gomes afirma, seidauk nesesariu governu atu halo pedidu ba Banku Central Timor-Leste (BCTL) hodi halo transferénsia Orsamentu Jeral Estadu (OJE) tinan 2021 nian tanba osan lídes sei iha hela.

Nia dehan, osan sei iha millaun $325, nune'e sidauk iha nesesidade atu halo pedidu levantamentu ba Orsamentu Jeral Estadu (OJE) tinan 2021.

“Ministériu Finansa hanoin katak, seidauk iha nesesidade atu halo pedidu, tanba ita nia líkides sei iha, komu osan sei iha ita la presiza halo pedidu lai,” Ministru Finansa Rui Gomes, ko’alia hafoin reuniaun ho Primeiru Ministru Taur, Matan Ruak iha Palásiu Governu, Tersa (05/01).

Nia dehan, kuandu osan líkides ne'e mak ezekuta tún ona ba millaun $200 hafoin governu sei halo pedidu ba BCTL hodi halo levantamentu.

“Ami sei monitoriza buat ne'e loron-loron, tantu medidas ka likides ne'e tún ba millaim $200, ami sei halo pedidu ba BCTL,” tenik nia.

“Osan ne'ebe ita husu levantamentu fundu ne’e millaun $886,300, purtantu saida mak falta, rihun $500, ida falta atu husu ne'e mak millaun $50 para atu halo hamutuk ne'e millaun $936,300,” nia fundamenta.

Rui Gomes mos esplika, prosesu halo pedidu levantamentu ne'e autorizasaun husi Parlamentu Nasional, kundu Orsamentu Jeral Estadu aprova tiha ona, Ministeriu Finansa haruka karta ba BCTL atu ezekuta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items