Diretór ne’e fó xamada tanba, kompañia hatama mina la kumpre montante ka kuantidade ne’ebe estabelese iha akordu tuir kontratu fornesimentu mina ba sentru eletrika Betanu.

"Atu pasa informasaun ba publiku liu-husi media tuir prosedimentu diresaun jeral EDTL ninian diretór jeral mak bele pasa informasaun.Maibé iha loron ida ne'e komu diretór jeral okupadu, entaun permite fo autorizasaun ba diresaun nasional de produsaun elektrika atu pasa informasaun, tanba ida ne'e mak ohin hau simu autorizasaun ne’ebé permite hau atu pasa informasaun ba publiku," Diretór Nasional de Produsaun de Energia Eletrika Paulino Amaral Da Costa hateten ba www.tempotimor.com.

DIretór ne’e  fó informasaun ba públiku katak, mina ne'ebé durante kompañia SACOM fornese ba iha sentru betanu bazeia ba kontratu ASD numeru 013/MOP/2019, ne'ebe ho kuantidade millaun 50.122, 829,67 litrus, ne'ebe nia kontratu asina husi kompania SACOM ho governu.

"Fornesimentu mina ho kuantidade ne'ebe ohin hau temi to'o ohin loron nia fornese ona iha 96 pursentu hela de'it 4 pursentu. Ne'ebe ita bele ko'alia katak, husi montnte ida ne'e hela de'it purvolta  millaun 2 maka kompania sei fornese mai iha sentral betanu para konklui montante iha kontratu, entaun ho ida ne'e husi EDTL rasik mos manda karta ba ona iha kompania SACOM katak, ho ninia balansu ne'ebe millaun 2  ne'e, husu ba sira atu hatama iha tempu badak," nai hateten.

Karta ne'ebé diresaun haruka ba iha SACOM iha dia 11 de dezemru 2020, husu ba atu hatama balansu mina millaun 2  ne'e hatama mai sentral betanu iha tempu badak, eh kompania SACOMS mos responde karta EDTL ne'ebe ho data 11 dezembru 2020, ne'ebe sira responde tiha karta mai iha dia 17 dezembru 2020 sira responde mai katak, sei hatama mina  millaun 2 ne'ebe balansu husi montante ne'ebe iha kontratu iha tempu badak nia laran, hodi bele konklui montante ne'ebe iha kontratu.

"Entaun, ho ida ne'e ami hein katak, iha tempu badak kompania SACOMS sei fornese mina millaun 2  ne’e, iha tempu badak nia laran ba sentral betanu atu bele garantia ba ita nia fornesimentu eletrisidade ba teritoriu timor laran tomak", nia garante.

Kompania SACOMS seidauk fornese mina millaun 2  atu kompleta montante ne'ebe iha kontratu, tanba Primeiru dalaruma iha razaun tekniku neebe haree ba espasu tanki sempre akontese, tanba tanki enkuantu sufisiente sira hatama mai, ne'ebe ida ne'e iha fila-fali kestaun tekniku.

"Data fiksu ne'e, ami mos sei tenta nafatin sira par iha tempu badak ne'e sira tenke hatama mai, maibe hau haree sira nia karta mos la hakerek data fiksu iha neeba, maibe ami tenta nafatin par tenke hatama iha tempu badak nia laran", nia salienta.

Kona-ba balansu ne'ebe iha tanba iha baze legal ne'ebe asina kontratu nia tenki responsablidade par tenki hatama balansu ne'ebe sei iha, tanba nia asina kontratu  ne’e hateten katak, ho montante ida ne'e, nia tenki hatama hotu par konklui kontratu.

"Ne'ebe ita garantia katak, ita nia mina ne'ebe agora daudauk iha sentral rua ne'e, garantia katak, ita nia ahi sei lakan estavel nafatin, atu Ida balansu husi SACOMS ne'e iha tempu badak tama mai mos ita nia ahi sei kontinua lakan nafatin, ne'ebe nia sei hatama, eh sei la fo impaktu katak, ita nia ahi atu mate, tanba ne’e  ninia balansu ida ne'e nia tenki esforsu par hatama mai bazeia ba karta ne'ebe ami haruka ba no karta ne'ebe nia resposta mai", nia dehan. 

Governu deside ona loron 20 Dezembru 2020 nu’udar loron ikus ba SACOM ho Trafegura atu kumpri kontratu hodi hatama balansu mina litru millaun 2,53,629.67 ba setral Elektrika Betanu. Wainhira kompana la halo tuir data ne’ebe marka ona, maka governu sei aplika natureza kontratu hodi determina ba failansu ne’ebe mosu husi parte Kompañia SACOM energia Lda ho ninia joint venture Trafigura Pte.Lda.

Diretor operasional, Salvador Tilman rekuinese Kompañia SACOM energia Lda, simu duni ona karta husi EDTL no Prezidente Konsellu Administrasaun Kompañia SACOM energia Lda, Abilio da Conceição Abrantes de Araújo.

Tuir Diretor operasional ne’e hateten ninia parte sei halo esforsu atu hatama mina ba EDTL no dismente ninia parte la kumpri kontratu nune’e argumenta katak lolo’os pursentu hat ne’ebe sei hela nia parte la presiza ona atu fornese tan b abele hela hanesan diskontu. 

Tuir karta ne’ebe SACOM manda ba EDTL hato’o razaun oioin ne’ebe hamosu situasaun ne’e. 

“Ami hakerek karta ba DGE/EDTL esplika situasaun no rekere estensaun ba kontratu nune’e duni ami bele buka tanker naton ida mak bele transporta litru milaun rua ba sentral eletrika Betanu,” dehan iha karta loron 11/12/2020. (*)