Login to your account

Username *
Password *
Remember Me

Elizário Enkoraja Funsionáriu SEKoop Labele Haree Dezafiu Hanesan Obstákulu

Sekretária Estadu Kooperativas (SEKoop), Elizário Ferreira hamriik hato'o mensajen iha formasaun konaba inspesaun no auditória interna iha salaun Luz Clarita Akait, tersa (22/12). Sekretária Estadu Kooperativas (SEKoop), Elizário Ferreira hamriik hato'o mensajen iha formasaun konaba inspesaun no auditória interna iha salaun Luz Clarita Akait, tersa (22/12). Foto Tempo Timor

Tempotimor (Dili)- Sekretária Estadu Kooperativas (SEKoop), Elizário Ferreira enkoraja hodi fó nia motivasaun ba funsionáriu sira atu labele haree dezafiu sai hanesan barreira ida hodi impede planu atu hakat ba oin.

Nia dehan, iha instituisaun ida bainhira nia komesa buras, komesa dezenvolve aan, problema mós sempre tuir, maibé ida ne'e labele sai hanesan dazafiu.

"Tanba ida ne'e, dirijente sira, xefi departamentu sira, funsionáriu sira hotu, labele halo dezafiu ne'e sai obstakulu ba ita atu la'o. Dezafiu kuandu sai obstakulu, ne'e ita sei la krése, ita nia ulun sei la funsiona, halo ita stress, lori problema uma nian mai kantor, lori problema kantor nian ba uma, entaun ita nia servisu sei la'o laloos", SEKoop, Elizário Ferreira dehan iha salaun Luz Clarita Akait, Tersa (22/12).

Nia dehan, iha SEKoop nia laran, buat neebé importante liu maka respeita malu entre diresaun ida ho diresaun ida seluk, komunika ba malu, fó hanoin ba malu, tanba susesu organizasaun ida nian, labele dala ida de'it, susesu ne'e sempre hahú husi ida.

"Hanesan mós laiha ema ida mak kaer xáve sanulu loke odamatan 10 iha oras ida nia laran. Sé ema ida hakarak halo ida ne'e, nia sei la loke nein odamatan ida", nia fó ezemplu.

Governante ne’e husu ba funsionáriu sira tenke hatene define ona katak, servisu ne'ebé halo, atu serví ema ruma, komunika ba ema hotu-hotu, ko’alia ba malu, hanesan mós iha instituisaun ida nia laran ema presíja komunika ba malu (vice versa) husi orizontál ba vertikál.

"Entaun, komunikasaun ne'e tenke la'o di'ak, atu bele asegura funsionamentu instituisaun nian, tanba instituisaun ida atu la'o ba oin ho di'ak, depende ba ninia dirijente, funsionáriu no subordinadu sira hotu ninia servisu", nia dehan.

Maske formasaun ne'e hanesan faze inísiu ne'ebé foin mak hala’o, maibé Elizário hateten, formasaun tenke hala'o bebeik, ba auditór sira hodi bele iha koñesimentu klean no di'ak oinsá hatene halo rasik autória iha parte interna SEKoop nian.

"Ha'u husu ba inspetór atu halo programa di'ak iha 2021 para eleva tan sira nia koñesimentu, halo auditória no halo inspesaun ida ne'ebé ho kualidade hatudu katak ita halo servisu iha instituisaun ruma", nia hakotu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter