Login to your account

Username *
Password *
Remember Me

MKAE Observa Direita Folin no Kualidade Sasan Sesta Bázika

Ministru Kordenador Asuntu Ekonomika (MKAE) Joaquim Amaral halo hela observasaun ba produtu lokal ne'ebe oferese ba benefisiariu iha loja Dili Mart ai-mutin, segunda (14/12). Ministru Kordenador Asuntu Ekonomika (MKAE) Joaquim Amaral halo hela observasaun ba produtu lokal ne'ebe oferese ba benefisiariu iha loja Dili Mart ai-mutin, segunda (14/12). Foto Tempo Timor

Tempotimor (Dili)- Ministru Koordenadór Asuntu Ekonomia (MKAE), Joaquim Amaral tun direita ba abserva folin sasan ne'ebé oferese ba komunidade liu-husi programa cesta bázika.

Joquim Amaral hateten, karik iha folin sasan ne'ebé la tuir folin estandar Autoridade Inspeksaun no Fiskalizasaun Atividade Ekonomika Sanitaria no Alimentar (AIFAESA) iha par rezolve tuir lei.

"Depois de servisu loron ida ou rua para tiha oitoan, tanba difisiensia kualidade produtu ne'ebe atu fahe, ohin hahu fali ninia distribuisaun, ha’u mai ho vise-ministru Turizmu Komersiu atu haree sira nia preparativus liu-liu sasan sira ne'ebé atu fahe", MKAE hateten lia hirak ne’e hafoin halo observasaun ba loja Dili Mart ai-mutin, Segunda (14/12).

Nia informa, observasaun ne'e ne’e hahu husi loja Dili Mart, W Four no Lider.

"Ha’u haree sira komesa la'o diak, kurizi sira hadi'a sasan ne'ebe loron hirak liu-ba publiku preokupadu, sira komesa hadi'a, ne'e hatudu sinal ida diak", nia koalia ho espresaun kontente.

Ministru ne’e hateten, governu hanesan parseiru ho fornesedor sira senti Kontenti, tanba komesa hadi'a sira nia sasan ne'ebe publiku kestiona.

"Ita hein katak, sira kontinua hadi'a, eh mantein nivel dezempeñu preforme sira ne'ebe iha atu loron ba loron kontinua fo satisfasaun hahan ne'ebe oferese ba benefisiariu sira ho kualidade ne'ebe diak", nia esplika.

"Aifaesa hala'o nia funsaun, ne'ebe husik ba sira identifika, sira hatene sansaun saida mak atu halo, ami hotu iha ne'e hanesan ekipa atu rona haree, eh tau konsiderasaun par hadi'a buat balun ne'ebe sei konsidera naksalak", nia akresenta.

Iha fatin hanesan, Diretór Operasaun Aifaesa, Gabriel da Costa hateten, produtu ne'ebe oferese ba benefisiariu komesa la'o diak ona.

"Ohin mai halo intervensaun iha ne'e haree katak, produtu sira ne'e tuir duni prosedimentu ne'ebe iha no tuir hela orsamentu ne'ebe governu tau", nia dehan.

Nia esplika kona-ba folin husi produtu lokál hanesan repollu fuan ida $1.50, ih asituasuan ida ne’e.

"Haree katak, tomate $1 no repollu $1.50, maibe dehan iha merkadu tradisional ida $1, ita haree katak, ho situasaun ida hanesan ne'e, kuandu kompania ba kompra iha merkadu tradisional automatikamente merkadu tradisional sira mos hasa'e nia folin hotu, entaun kompania mos hasa'e nia folin, depois kompania sira lori mai tau iha armajen, aluga fatin", nia esplika.

Nune'e nia mos husu, karik iha sasan balun ne'ebe komunidade sira lamenta bele hato'o ba kompania par troka kedas.

"Maibe, realidade Aifaesa halo intervensaun ba ona iha armajen distributor sira ne'ebe oferese produtu, ami haree sasan sira ne'e ho kualidade duni tenke sai, ne'ebe Aifaesa tenke intervein sidauk hatama iha pakote, haree tiha hafoin fo ba komunidade", nia dehan.

Nia akresenta, iha sasan balun ne'ebe at ona, kuandu Aifaesa hetan sei prosesu tuir lei ne'ebe multa ki'ik liu mak $1.000, boot $10.000. (*)

Rate this item
(0 votes)
Last modified on Tuesday, 15 December 2020 00:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter