Deputada Maria Fernanda Lay deklara, membru governu sei aproveita fahe osan ba malu iha OJE 2021 nian, tanba proposta ne'ebé sira aprezenta ba Parlamentu Nasionál, mosu errata barak, no indisiu sira hadau malu servisu.
Nia fó ezemplu hodi kestiona orsamentu Ministériu Edukasaun no Sekretáriu Estadu Juventude no Disportu, mosu errata iha alokasaun orsamentu por kategoria, liu-liu orsamentu ba infraestrutura (konstrusaun) eskola no harii aula eskola tau fali iha transferénsia públikas, pior liu mak sobre pozisaun programa entre SEJD, SEFOPE no SEKoop nian ba formasaun abilidade, maõ de obra professional no formasaun emprezariál.
Deputada ne’e sita, iha mós errta membru governu hadau malu servisu, kona-ba programa sobre pozisaun (overlapping) entre Sekratária de Estadu Igualdade no Inkluzaun (SEII) ho Ministériu Solidaredade Sosiál.
Ezemplu balun mak SEII aloka osan atu sosa tum-tum hodi fasilita vítima violénsia bazeia Jéneru, asesu ba Tribunál no re-abilitasaun Uma Mahon.
"Faktu hirak ne’e hatudu, membru Governu de Faktu hadau malu área servisu nune’e sei afeta ba iha prinsípiu orsamentu ba efisiénsia no efikásia ba uzu orsamentu públiku," Fernanda deklara liuhusi konferensia imprensa iha PN, Kinta (10/12). (*)
