Login to your account

Username *
Password *
Remember Me

Elizário: “Família sira Presija duni rekopera ekonomia”

Hafoin halo lansamentu ofisial aihan sesta bázika, Sekretária Estadu Kooperativa (SEKoop) Elizário Ferreira , akompaña husi Administradór munisípiu Manatutu, komandante PNTL, Administradór postu Lakló ho Laleia, hasai foto hamutuk ho reprezentante komunidade suku Lakumesak nain lima ne'ebé simbólikamente simu direta aihan sira ne'e husi servidor sira ne'e, iha sede suku Laku Mesak, Laklo, Manatutu, kinta (10/12). Hafoin halo lansamentu ofisial aihan sesta bázika, Sekretária Estadu Kooperativa (SEKoop) Elizário Ferreira , akompaña husi Administradór munisípiu Manatutu, komandante PNTL, Administradór postu Lakló ho Laleia, hasai foto hamutuk ho reprezentante komunidade suku Lakumesak nain lima ne'ebé simbólikamente simu direta aihan sira ne'e husi servidor sira ne'e, iha sede suku Laku Mesak, Laklo, Manatutu, kinta (10/12). Foto Midia SEKoop

Tempotimor (Lakló)- Sekretáriu Estadu Kooperativa (SEKoop), Elizário Ferreira hateten, ai-han ne'ebé governu distribui ba komunidade liuhusi programa sesta bázika sai nu'udár parte ida atu bele halo rekoperasaun ka hadi'a fila-fali ekonomia família uma-laran nian durante infrenta situasaun Surtu Covid-19 iha Timor-Leste (TL).

Asuntu ne'e nia hato'o durante diskursu hodi halo lansamentu ba programa sesta bázika iha munisípiu Manatutu, postu administrativu Lakló, ne'ebé ofisialmente realiza iha sede suku Lakumesak.

Governante ne'e dehan, sesta bázika sai hanesan produtu ne'ebé fleksivel, tanba produtu maiória husi baze, komunidade fa'an ba kompañia, no kompañia sosa, hodi distribui hikas ba komunidade.

Nia dehan, bainhira produtu hirak ne'ebé distribui la konsege to'o ba komunidade hotu, bele ko’alia ho kompañia atu bele substitui (troka) fali fali ho produtu seluk.

"Ida ne'e parte ida atu rekopera ita nia ekonómia iha ita nia família no sosiedade", Elizário Ferreira hateten bainhira halo lansamentu ai-han sesta bázika ba komunidade iha sede suku Lakumesak, postu Lakló, munisípiu Manatutu, Kinta (10/12).

Maski nune'e, nia dehan, bainhira komunidade ne'ebé simu ona, maibé sente nia fini sei iha, bele oferese fali ba kompañia atu fó fali ba ema seluk, tanba iha fatin seluk hahán ladun to'o duni.

Nia mós esplika ba komunidade kona-ba programa SEKoop nian ne'ebé ajuda mós governu liuhusi planu ba rekoperasaun ekonómika, tanba programa refere iha ninia kontinuasaun.

Xefi Suku Lakumesak, Filomeno Rodriguês Pereira Cárceres hatutan, totál benefisáriu ne'ebé atu simu produtu sesta bázika hamutuk 2.933 no sira preparadu ona atu fahe ba komunidade sira bazeia ba oráriu ne'ebé sira rasik estabelese.

"Lísta sira ne'e preparadu ona no ohin iha lansamentu ida ne'e ami deside sei fahe uluk ba aldeia Nakaleu, depois sei kontinua ba aldeia haat seluk", nia dehan.

Suku Lakumesak kompostu husi aldeia lima mak hanesan, Labubu, Hatukonan, Readodok, Tahagamu ho Nakaleu, uma-kain hamutuk 654. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter