Deputada Fernanda Lay hato’o asuntu ne'e, tanba bankada CNRT hare iha debate espesialidade ba Pakote de Rekoperasaun Ekonómiku (PRE), governu halo no muda tun-sae fundu Covid-19 ne’ebé tau Millaun $113 iha 2020 no iha OJE 2021 tau fali PRE iha orsamentu operasionál ba 29 institusaun sira.

Nia haktuir, bankada CNRT mos lee hotu ona, tuir livru númeru 1, pájina 22 no 23, Proposta de Lei OJE 2021, iha indisiu katak, alokasaun orsamentu ba iha rekoperasaun ekonomia ne'e mosu mudansa ne’ebe hanesan, hetok halo ema konfuzaun de’it.

Ho preokupasaun hirak ne’e, deputada Fernanda Lay hatutan, bankada CNRT husu Governu de Faktu atu rekopera sé lós nia ekonomia? Ekonomia estadu ka povu ka fó subsídiu ba kompañia sira atu bele moris diak.

"Konseitu pakote de rekoperasaun ekonomia tuir Governu ida ne’e sei difikulta deputadu sira atu halo fiskalizasaun tuir mandatu Konstituisaun-da-Repúblika," deputada Fernanda hateten liu husi konferensia imprensa iha PN, Kinta (10/12). (*)