Login to your account

Username *
Password *
Remember Me

SEKoop Lansa Sesta Bázika iha Suku Lakumesak

Sede Suku Lacu Mesac, Laklo, Manatutu (10/12) Sede Suku Lacu Mesac, Laklo, Manatutu (10/12) Foto Tempo Timor

Tempotimor (Lakló)- Governu konstitusionál da-ualu, liuhusi Sekretária Estadu Kooperativa (SEKoop) ne'ebé lídera husi Elizário Ferreira, hahú hala'o serimónia lansamentu ofisiál ba programa sesta bázika iha sede suku Lakumesak, postu administrativu Lakló, munisípiu Manatutu hodi distribui direta ai-han ba komunidade iha nível baze.

Lansamentu sesta bázika ne'ebé hala'o husi SEKoop rasik tama ona ba faze da-lima, prímeiru iha munisípiu Kovalima, Likísa, Lospalos, Vikeke, no daudaun lansa iha Manatutu no sei falta munisípiu Aileu ho Ainaro.

Xefi Suku Lakumesak, Filomeno Rodriguês Pereira Cárceres hateten, programa sesta bázika nu'udár programa nasionál ne'ebé governu halo hodi rekopera ekonomia povu durante infrenta situasaun surtu Covid-19 iha TL.

Nia dehan, totál benefisiáriu iha suku Lakumesak ne'ebé simu aihan husi governu hamutuk 2.933 kompostu husi mane 1.488 no feto hamutuk ema nain 1.445.

"Jerálmente benefisiáriu hamutuk 2.933 mak sei simu ai-han Sesta Bázika Husi Governu", Xefi Suku Lakumesak, Filomeno Rodriguês Pereira Cárceres hateten iha sede suku Lakumesak, Kinta (10/12).

Nia informa, suku Lakumesak kompostu husi aldeia lima mak hanesan, Labubu, Hatukonan, Readodok, Tahagamu no Nakaleu.

Totál populasaun iha suku Lakumesak hamutuk 2.921, husi númeru ne'e maiória komunidade moris ho vida agrikultura.

Tuir observasaun www.tempotimor.com iha terrenu nota katak, komunidade sira preparadu hodi hein prosesu distribuisaun ai-han sesta bázika ba sira hodi bele rekopera fila-fali sira nia ekonómia família nian.

Tuir oráriu ne'ebé iha, ekipa sei distribui ai-han sesta bázika ba komunidade iha suku Lakumesak durante semana ida.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter