Login to your account

Username *
Password *
Remember Me

Dekanu “Hameno” ba SEKoop Labele Haluha UNDIL

Tempotimor (Dili)- Dekanu Fakuldade Ekonomia husi Universidade Dili (UNDIL), Alfedo Pires husu ba Sekretáriu Estadu Kooperativa (SEKoop), Elizário Ferreira atu labele haluha UNDIL, maibé vizita nafatin tanba fakuldade ekonomia nu'udár fakuldade ida ne’ebé eziste kleur liu iha UNDIL.

"Ami husu ba Sekretáriu Estadu Kooperativa atu mai vizita nafatin UNDIL tanba iha TL laran tomak, fakuldade ida ne'ebé tuan liu mak, fakuldade Ekonomia. Liuhusi departamentu ekonomia mak hamosu tan departamentu sira seluk iha UNDIL", Alfredo Pires husu iha semináriu ho tema,"Papél akadémikus ba kooperativa hodi hamosu inovasaun no produtividade iha área ekonomia" iha kampus UNDIL, Kintál-boot, horisehik.

Nia dehan, dezenvolvimentu nasaun ida nian atu la'o ba oin ho di'ak, presiza servisu hamutuk entre governu, seitór privádu no grupu kooperativu sira, tanba kooperativa sira mós iha ninia papél importante ba prosesu ida ne’e.

Dekanu ne’e fiar katak ho prezensa Sekretáriu Estadu Kooperativa nian, bele fó hanoin tan estudante sira atu koñese kle’an liu tan lala’ok husi kooperativa, nune'e mós bele hakroat sira nia espirítu kooperativízmu iha futuru.

"Ami nia estudante sira durante ne'e estuda mak teoria de'it, laiha asaun prátika kompletu, entaun ami hanoin loron ohin, loron ida ke pás para sira bele rona. Ha'u fiar katak estudante sira ne'e kandidatu ema sira ne'ebé aban bain-rua mós bele hari'i kooperativa", nia hateten.

Estudante Fakuldade Ekonomia, Felizardo da Costa sente haksolok tanba ho matéria ne'ebé aprezenta husi SEKoop, Elizário Ferreira, bele enkoraja liu tan nia hodi bele estuda no aprende barak liu tan, liu liu asuntu sira ligadu ho kooperativa nian.

"Entaun, ami presiza rona no hatene barak liutan kona-ba prosesu no esperiénsia atu hala'o kooperativa nian, tanba dala-barak ami aprende mak teória de'it, no prátika ladun", nia dehan.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter