Nia hateten, sasan sira ne’e importa mai tanba Timor-Leste nia situasaun daudaun ne’e hare husi balansu komersiál, ekonomia barak liu depedénsia husi rai liur.
"Rekopera ekonomia iha rai laran, ita labele alerjia sasan husi rai liur", MKAE Joaquim Amaral hateten liu-husi konferénsia imprensa ba lansamentu sesta bázika iha CCD, Sesta (04/12).
Nia dehan, durasaun tempu ba ezekusaun programa Sesta bazika, depende ba produtu ne'ebé tama, nune'e bele to'o janeiru no fevereiru tinan 2021, ou bele mós liu.
Maski nune’e nia mós iha esperansa katak, Governu lansa programa rekoperasaun ne'ebé produtu barak, governu hakarak sosa produtu ne'ebé prodús iha nasionál, nune'e mós iha preferénsia persentajen balun bele sosa produtu ne'ebé fa'an iha merkadu nasionál. (*)