Login to your account

Username *
Password *
Remember Me

Kooperativa Wemook Mehi Diversifika Atividade

Koordenadór Kooperativa Wemook, Ernesto Cardoso, koalia hela ba média sira iha momentu balu bainhira assina akordu hodi simu apoiu husi Sekretária Estadu Kooperativa (SEKoop), iha Akait. Koordenadór Kooperativa Wemook, Ernesto Cardoso, koalia hela ba média sira iha momentu balu bainhira assina akordu hodi simu apoiu husi Sekretária Estadu Kooperativa (SEKoop), iha Akait. Foto Arkivu

Tempotimor (Díli)- Grupu Kooperativa Wemook lokaliza iha aldeia Kolama, suku Kasabauk, postu administrativu Tilomar, munisípiu Kovalima-Suai iha mehi aas atu diversifika ninia atividade.

Kooperativa Wemook foin hari'i iha loron 14 fulan Maiu tinan 2020, baibain atividade ne'ebé sira halo maka produsaun aihan lokál hanesan kuda fore-mungu, batar, fore-kelin, ai-farina, ai-dila ho seluk tan.

Maski grupu ne'e membru sira foin atu kompleta ba tinan-hitu iha nia ezisténsia, maibé iha atividade lubuk mak membru sira hala’o ona hanesan prodúz ona kuantidade fore-mungu ho kg 900, no tonelada 300 ba produsaun batar.

Koordenadór Kooperativa Wemook, Ernesto Cardoso hateten, sira iha mehi atu loke tan lirás ba fatin hotu-hotu iha postu Tilomar nian atu bele forma mós grupu halo atividade kooperativa.

Nia dehan, kooperativa Wemook eziste ho mehi ida hakarak kontinua halo servisu hodi hamenus juventude sira husi dezempregu.

"Entaun, ha'u ho sira mai halo grupu ida ne'e, depois ha'u nia mehi atu loke tan, loke liras maske orsamentu natoon de'it, maibé ami sei loke liras ba sira seluk atu loke nafatin. Tanba ho razaun katak iha labele hein de'it governu", koordenadór kooperativa Wemook ba www.tempotimor.com, liuhusi telefónika, Kinta (03/12).

Nia dehan, ba oin, sira sei kontinua ho atividade kuda fore-mungu, batar ai-farina ho seluk tan atu bele ajuda governu hasa'e produsaun ai-han husi nível komunidade.

"Atividade ne'ebé ami halo hela ne'e maka ami prodúz fore-mungu 900 kg, batar kuaze toneladas 3, ho tan buat sira seluk hanesan ai-farina", nia dehan.

Entretantu, oras ne'e kooperativa Wemook eziste ho totál membru hamutuk na'in 24 kompostu husi mane 14, no feto 10 mak hala'o atividade kooperativa iha postu Tilomar, munisípiu Kovalima-Suai.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter