Oscar Lima esplika, maski iha prosesu lubuk ida ne'ebé halo empreza kuaze 143 la konsege hetan finanseiru no balun mate ona, maibé iha lideransa Primeiru Ministru (PM) Taur Matan Ruak fó hikas 'iss' ba ema sira ne'ebé mate, nune'e balun hahú hader ona.

"Agora ne'e empreza balun komesa book aan ona, tanba balun komesa hetan fila-fali sira-nia pagamentu husi governu ba obra sira ne'ebé uluk sira halo," Oscar Lima hetetn li hirak ne’e iha Palásiu Prezidensiál Bairru-pite, hafoin partisipa iha reuniaun Konsellu Estadu, Segunda (30/11).

Nia mós akresenta, hakarak ka lakohi, emprezáriu sira tenke fó sira-nia kontribuisaun, tanba estadu de'it mak fó servisu ne'e la to'o, tanba ne'e empreza sira tenke moris hodi fó servisu ba timoroan sira.

Maske nune'e, iha empreza balun ne'ebé seidauk bele selu, maibé nu'udar prezidente CCI-TL, sei halo esforsu hodi halo aproximasaun ho PM Taur atu bele selu hotu empreza sira.

"Empresa sira ne'ebé selu ona ne'e pursentu boot, tanba ida seidauk selu ne'e sei hela projeitu 40 resin de'it," nia dehan.(*)

PUBLISIDADE