Nia dehan, emprezáriu sira tenke buka halo aproximasaun ho governu, tanba governu agora loke oportunidade oioin, loke servisu barak, iha pakote barak tebe-tebes maibé tenke iha responsábilidade para responsábiliza ba sasán ne'ebé sira simu.
“Ezemplu, obras sira ne'e halo ho didi'ak katak fó kualidade ne'ebé di'ak para bele hatudu katak timoroan mós bele. Labele halo hanesan buat ne’ebé ida-rua halo ne’e, ema hotu-hotu naran foer, ida ne'e mós la di'ak”, Prezidente CCI-TL, Oscar Lima hateten lia hirak ne’e hafoin partisipa iha asembleia jerál anuál tinan 2020 iha salaun Katedrál Dili, Sesta (27/11).
Tanba ne'e, nia husu atu hotu-hotu tenke iha responsábilidade másimu hanesan timoroan iha kualidade diak, halo servisu dentru-de-prazu, nune’e governu bele iha konfiansa nafatin.
Tuir dadus ne'ebé rekolla ona husi oraganizasaun International Labour Organization (ILO), atinje ona membru emprezáriu TL hamutuk rihun 10. (*)
PUBLISIDADE