Novembru, Funsionáriu Administrasaun Públiku sei Simu Saláriu Tarde

Teste promosaun ba grau iha KFP Teste promosaun ba grau iha KFP Foto File

Tempotimor (Dili)- Vise-ministra Finansas, Sara Lobo Brites hateten, pagamentu saláriu ba funsionariu públiku iha fulan novembru tinan 2020 sei tarde.

Nia dehan, pagamentu saláriu tarde tanba sei atualiza dadus direitu ema nian.

"Atualiza ba Primeiru Ministru kona-ba pagamentu saláriu ne'ebé iha fulan sira uluk sempre sedu entre dia 20 no 21, maibe fulan novembru atraza oitoan, tanba sei atualiza dadus hotu ne'ebé direitu ema nian, hanesan retrotativus, over time, promosaun sira, ida ne'e mak kontribui ba atrazu", Sara Lobo informa ba jornalista hafoin sorumutu ho Primeiru Ministru Taur Matan Ruak iha palasiu governu, Segunda (23/11).

Nia akresenta, loloos funsionariu sira asesu ona sira nia saláriu, maibé presiza tan hadi'a buat balun.

"Ohin, loloos ema ida-idak asesu ona nia konta foti osan, maibé presiza tan loron ida ou rua, espera aban ou bainrua sira foin asesu ba sira nia saláriu", nia dehan.
Nia esplika, pagamentu saláriu tarde ne'e, ba funsionariu hotu, administrasaun públiku.

"Sei asina funsionariu sira nia saláriu iha semana ida ne'e nia laran dia 24 ou lae 25, funsionariu hotu, administrasaun públika, iha sesta ne'e, ministériu sira ne'ebé laiha problema balun ba tiha ona, orsida sei selu tan balun, mais iha ministériu ida ou rua problema iha sira nia orsamentu presiza rezolve", nia esklarese.

Nune'e, Vise ministra ne’e espera hein tan loron ida ou rua funsionariu ida-idak bele asesu ona ninia saláriu. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks