Print this page

Rui Gomes Promete Garante Funsionamentu Ekonomia Rai-Laran

By November 23, 2020 2988
Ministru Finansas (MF) iha VIII governu konstitusionál, Rui Gomes halo hela juramentu wainhira simu pose iha Palasiu Prezidensial Bairro Pite, Dili (23/11) Ministru Finansas (MF) iha VIII governu konstitusionál, Rui Gomes halo hela juramentu wainhira simu pose iha Palasiu Prezidensial Bairro Pite, Dili (23/11) Foto Midia PR

Tempotimor (Dili)- Rui Gomes promete sei esforsu atu garante rendimentu ekonómia rai laran, liuliu ekonomia familia, durante mandatu nu’udár Ministru Finansas (MF) iha VIII governu konstitusionál.

Promesa ne’e Rui Gomes hato’o, hafoin simu pose nu'udár Ministru Finansas (MF) iha palásiu Prezidente Repúblika Vairrupité, Dili, Segunda (23/11).

"Ita sei garantia estabilidade ekonómia sosiál pais ida ne'e nian, konserteza ita tenke hanoin kona-ba ita-nia empregu no empreza, depois ajente ekonómia sira. Ajuda sira-nia likides no sira-nia investimentu parte sosiál oinsa maka ita bele garante familia sira-nia rendimentu labele monu no oinsa bele investe iha parte rigór para ita bele kuidadu ita-nia osan, kuandu rigor laiha responsabilizasaun entaun ita labele ko'alia kona-ba prioridade finanseira tantu aspeitu ida ne'e maka ha'u sei foka," Rui Gomes hateten.

MF mós dehan, sei halo reuniaun barak ho vise ministra, diretór jerál no sira seluk, depois hare hamutuk oinsa atu garantia ba rekoperasaun ekonómika.

Nia mós dehan, situasaun agora la hanesan ho situasaun uluk nian, maibé diferente, tanba ne'e tenke halo intervensaun.

"Situasaun ne'ebé uluk ita hare husi planu estratégiku no planu oitavu governu, ema la espera Covid-19 tama iha ne'e, entaun situasaun ne'e la hanesan on, ita tenke halo intervensaun ne'ebé maka pontuál atu ajuda ekonomia ne'e tama fila fali iha nia dalan," Rui esplika.

Entretantu, Rui Gomes hetan pose husi Prezidente Repúblika (PR) Francisco Guterres Lú Olo iha loron 23 Novembru 2020 iha Salaun China Palásiu Prezidensiál bairru-pite, Dili.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items