SEKoop “Agradese” ba Krítika Tanba Públiku Menus Informasaun

SEKOOP ko'alia ba Jornalista sira iha Suai semana kotuk SEKOOP ko'alia ba Jornalista sira iha Suai semana kotuk Foto Tempo Timor

Tempotimor (Díli)- Governu kompostu husi ministériu implementadór sira iha Programa Sesta Bázika, hanesan Sekretária Estadu Kooperativa (SEKoop), Ministériu Koordenadór Asuntu Ekonómiku (MKAE), Ministériu Agrikultura no Peska (MAP) ho Sekretária Estadu Meiu Ambiente (SEMA) hala’o ona lansamentu sosa no distribui produtu ba komunidade hamutuk 2.853 iha suku Tazhilin, postu administrativu Zumalai, munisípiu Kovalima.

Ho lansamentu ne'e, ikus mai públiku liu-liu sosiedade sivil sira konsidera katak, governu la halo preparasaun di'ak tanba preokupa kona-ba produtu lokál ne'ebé komunidade simu, balun hetan, inklui nia presu la atinje to’o $25.

Hatán ba kestaun ne'e, Sekretáriu Estadu Kooperativa (SEKoop), Elizário Ferreira dehan, nia parte aseita ho krítika sira hotu, tanba públiku dala-ruma sira ladún asesu ba informasaun husi governu.

“Ema krítika tanba ladún kompriende, ladún hetan informasaun. Tanba ida ne'e atu informa de'it katak servisus preparasaun distribuisaun sira ne'e bazeia ba produsaun iha nível lokál”, Elizário Ferreira hateten lia hirak ne’e, hafoin reuniaun ho MKAE Joaquim amaral iha palásiu governu, Kuarta (11/11).

Nia dehan, produtu sira ne'ebé atu distribui ba komunidade, ema bolu dehan fleksíbel, katak, bainhira iha fatin ida ne'ebé iha produtu, kompañia sira sei sosa, no sei distribui fila-fali ba komunidade iha lokál, tanba governu nia preparasaun hahú kedas iha fulan Jullu no daudaun ne'e tama ona iha faze implementasaun.

Tuir Elízario, normalmente atu hahú hala'o ninia implementasaun, sempre iha kestaun téknika sira ne'ebé akontese, maibé bainhira hala'ó ona, sempre hadi'a hodi mellora, tanba ne'e mak prosesu distribuisaun daudaun ne'e la'ó hela.

Tanba ne'e, nia husu ba média sira atu hare lai prosesu sira molok hato'o informasaun ka komentáriu, labele prosesu ema seidauk simu, komentáriu mosu uluk fali, ida ne'e laloos.

Nune’e mós Ministru Koordenadór Asuntu Ekonómiku (MKAE), Joaquim Amaral hateten, durante fulan rua nia laran governu halo preparasun ne'ebé boot komesa kedas husi nível organizasaun, lojístika ne'ebé la'ós fásil.

“Laiha preparasaun iha sentidu, ha'u hanoin tenke identifika iha level ne'ebé, ita aseita imput ne'ebé tama konserteza fulan ida nia laran kuandu ita halo operasaun ida boot”, SEKoop Elizário Ferreira hafoin reuniaun ho MKAE Joaquim Amaral iha palásiu governu, Kuarta (11/11).

Nia dehan, fahe de'it osan iha ona difikuldade, reklamasaun, dadus, iha pesoál sira ne'ebé transporta sasán ba iha lokalidade, sá tan transporta ba tula sasán, lori ba tau lai iha suku organiza komunidade ba simu, ida ne'e la'ós kma'an no iha dezafiu boot, la’ós uluk la'o lori osan.(*)

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks