"Planeadu ona katak iha fulan Dezembru tinan ne'e, sei halo ona ditribuisaun ba Karosa sira", Elizário hateten ba jornalista iha nia kna'ar fatin, Akait, Tersa (10/11).
Maske nune'e, nia dehan, kritériu atu hetan karosa ida husi SEKoop, negosiante sira tenke hola parte nu'udár membru ba kooperativa sira ne’ebé eziste iha kapitál Díli mak foin bele hetan.
"Distribuisaun ne'ebé maka atu halo, la'ós distribui ida gratuitu, maibé sira tenke integra-an ba kooperativa, depois sira asegura ho sustentabilidade ne'ebé maka iha", nia dehan.
Tanba ne'e, negosiante sira tenke sai uluk membru iha kooperativa, hafoin bele hetan.
Bainhira husu kona-ba ema na'in hira mak SEKoop sei halo uluk distribuisaun, nia dehan, seidauk bele fó esplikasaun klaru tanba sei hein relatóriu husi kooperativa sira.
"Kuandu tempu besik ha'u sei fó sai ba públiku kona-ba ema hira mak atu asesu ba ida ne'e", nia informa.