Governu Prevé rihun $500 resin ba Reklamante 2.500

MSSI Armanda Berta hato'o hela lia menon ba komunidade sira wainhira atu simu subsidiu iha fulan ruma kotuk iha suku Komoro, Dom Aleixo, Municipiu Dili MSSI Armanda Berta hato'o hela lia menon ba komunidade sira wainhira atu simu subsidiu iha fulan ruma kotuk iha suku Komoro, Dom Aleixo, Municipiu Dili Foto File

Tempotimor (Dili)- Governu liuhusi Konsellu Jestaun Fundu Covid-19 nian halo ona konfirmasaun ho Ministériu Solidariedade Sosiál no Inkluzaun (MSSI) no Ministériu Administrasaun Estatál (MAE) katak, dadus reklamante sira ne'ebé sei simu subsídiu dollar $100 iha etapa daruak nia liu agregadu familiár 2.500.

Husi totál agregadu familiár ne'ebé sei simu subsídiu ba etapa daruak ne'e númeru ladun boot, nune'e governu liuhusi Konsellu Jestaun Fundu Covid-19 nian prevé la to'o millaun ida.

"Ohin ekipa téknika husi MSSI halo aprezentasaun katak, etapa dahuluk hotu ona. Maibé, iha reklamasaun lubuk ida ne'ebé tenke halo pagamentu. Tanba ne'e, balun ne'ebé prienxe ona rekezitus atu halo pagamentu ba faze daruak. Maibé, sira seluk ne'ebé seidauk mak MSSI entrega fali ona ba MAE hodi halo verifikasaun," Diretór Jerál Ministériu Finansas (MF) Januário da Gama hateten lia hirak ne’e iha edifísiu MF, Kinta (29/10).

Nia esplika, orsamentu ba etapa daruak ladun boot, la to'o millaun ida pelumenus rihun $500 resin, maibé governu mós konsidera balansu sira ne'ebé halo pagamentu dahuluk, ne'e balansu lubuk ida mak sei iha konta suku sira nian.

“Tanba ne'e konsellu jestaun halo ona apresiasaun ba balansu ne'e atu nune’e MSSI koordena fali ho BNCTL hodi utiliza fali balansu sira ne'e hodi halo pagamentu," nia dehan.

Nia esplika tan, kona-ba balansu sira ne'ebé sei iha konta suku sira-nian, Konselllu Jestaun Fundu Covid-19 nian, propoin opsaun rua ba MSSI atu halo.

“Opsaun dahuluk mak, recovery hotu balansu iha suku sira, depois mak halo fali pagamentu ka halo transferénsia ba livru ka balansu iha suku ida ba suku seluk, nune'e utiliza tuir nesesidade suku ida-idak nian”, nia esplika tan.

Entretantu, tuir dadus reklamasaun ne'ebé Ministériu Solidariedade Sosiál no Inkluzaun (MSSI) no Ministériu Administrasaun Estatál (MAE) simu fali katak totál reklamante liu rihun 15, nune'e dadus ne'ebé serteza ona hodi halo pagamentu iha etapa daruak liu rihun 2.500, maibé dadus reklamante kuaze rihun 13 mak sei iha MAE hodi halo verfikasaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks