Login to your account

Username *
Password *
Remember Me

Governu Ezekuta ona Fundu COVID-19 pursentu 58.1

Edifisiu Ministeiru Finansas Timor Leste, iha Aitarak Laran Dili Edifisiu Ministeiru Finansas Timor Leste, iha Aitarak Laran Dili Foto Suplai

Tempotimor (Dili)- Konsellu Jestaun fundu COVID-19 halo ona reuniaun no verifikasaun ba ezekusaun fundu COVID-19 nian, to'o 30 Setembru konsege atinje ona pursentu 58.1%.

"Fundu COVID-19 to'o 30 Setembru, nia nivél ezekusaun real to'o 58.1% ne'ebé ekuivalente ho tokon $128, husi totál orsamentu tokon $220," Diretór Jerál Ministériu Finansas Januário da Gama hateten liuhusi konferénsia imprensa iha salaun MF, Kinta (28/10).

Nia mós dehan, ezekusaun ne'e ba fundu COVID-19 nian de'it, maibé se involve mós kona-ba pakote rekoperasaun ekonomika ne'ebé Parlamentu Nasionál (PN) aprova ona.

"Karik ita inklui ho pakote rekoperasaun ekonomika tokon $113 ne'ebé foin lalais PN aprova, entaun ezekusaun ne'e tuun fali ba tokon 38.4, nune'e ninia balansu ne'e sei iha tokon $192.5 mak sei iha atu ezekuta tan," Januário hateten.

Nia mós dehan, bainhira governu liuhusi ministériu relevante sira ne'ebé hola parte iha fundu COVID-19 nian, Konsellu Jestaun Fundu COVID-19 nian mós halo apresiasaun ba programa ezekusaun pakote rekoperasaun ekonomika.

"Pakote rekoperasaun tenke ezekuta ona, entaun konsellu jestaun halo apresiasaun ba programa, sub-programa no atividade rekoperasaun ekonomika ne'e rasik, ne'ebé aloka tokon $113, husi totál orsamentu ne'e ba MKAE tokon $7.2, MAE tokon $1.9, MSSI iha tokon $42, MTKI hamutuk tokon $27.2, MAP hetan tokon $5, SEKoop iha tokon $15, SEA tokon $1.1, SLN tokon $9 no RAEOA-ZEESM mak tokon $4," nia deskreve.

Nia mós afirma, distribuisaun ne'e halo ba Ministériu no instituisaun ida-idak iha nivél implementasaun, no iha parte koordenasaun ne'e nafatin iha MKAE nian. Entaun bainhira tama ona iha faze ezekusaun, ministériu sira ne'ebé iha leten mak sei haruka pedidu ezekusaun nian ba sekretariadu tékniku ba fundu COVID-19 iha Ministériu Finansas.

Nia mós akresenta, tanba hela de'it fulan rua hodi halo ezekusaun ba fundu COVID-19 no pakote rekoperasaun ekonomia, maka konsellu jestaun husu ba ministériu sira atu halo planu ne'ebé adekuadu, nune'e bele ezekuta fundu ne'e ho di'ak.

"Konsellu jestaun fó orientasaun ba ministériu ezekutadór sira katak, fundamenta didi'ak sira-nia planu ezekusaun atu aprezenta fila-fali ba konsellu jestaun atu prosesa ba hirak ne'ebé tenke transfere ba sira-nia konta operasionál hodi finansia atividade operasionál sira no hirak ne'ebé liuhusi akordu kontratu liuhusi aprovizionamentu," nia subliña.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter