Durante Loron 100, SEKoop Identifika Kooperativa 30 Mak Taka

Sekretáriu Estadu Kooperativa (SEKoop) Lansa revista ba atividade SEKoop nian durante loron 100. Tersa (27/10). Sekretáriu Estadu Kooperativa (SEKoop) Lansa revista ba atividade SEKoop nian durante loron 100. Tersa (27/10). Foto Tempo Timor

Tempotimor (Dili)-Hafoin hetan konfiansa husi governu daualu iha loron 29 Juñu, mak Sekretáriu Estadu Kooperativa (SEKoop) Elizário Fereira promete sei harii kooperativa lima no fó formasaun ba membru sira husi kooperativa lima, maibé tarjeitu ne'e SEKoop atinje liu no konsege identifika mós kooperativa 30 mak taka.

Elizário mós rekoñese katak iha kooperativa balun taka duni, maibé la'ós SEKoop mak taka.

"Iha kooperatva balun Ia'o's ha'u mak taka maibé sira mak taka rasik, tanba antes ne'e iha, maibé sira la dezenvolve entaun sira rasik taka aan, maibé sira ne’ebé seidauk taka SEKoop tenta hadi’a no haburas fila fali Iiuhusi formasaun no reativa fali atividade, nune‘e bele tuir valor no prinsipiu kooperativa nian," dehan Elizário iha edifísiu SEKoop hafoin lasa buletin ba mandatu durante loron 100, Tersa (27/10).

Governante ne'e afirma, kooperativa ne'ebé taka ne'e maioria kooperativa produsaun la'ós kooperativa kréditu.

"Kooperativa besik 60 mak reativa fali, tanba kooperativa produsaun ne'e kuaze 100 resin, maibé 60 mak reativa fila fali ba sira ne'ebé rejistradu no kooperativa kreditu ne'e 137 sira ne'e ativu hotu," katak SEKoop.

Nia mós hakle'an, husi kooperativa kreditu ne'e, SEKoop fahe ba kategória A, B no C ne'ebé númeru kapitál kooperativa nian diferente.

"Kategória A mak kooperativa sira ne'ebé mak iha kapitál liu ona rihun $500, iha sede rasik no funsionáriu minimu na'in lima. Ida kategória B ne'e mak kapitál kooperativa nian menus husi rihun $500 to'o rihun $250 no kategória C mak ida ne'ebé nia kapitál husi rohun $250 mai kraik," nia tenik.

Alende husi identifikasaun ne'e, SEKoop mós promete iha momentu ne'ebé toma pose katak, sei harii kooperativa lima no fó formasaun ba membru husi grupu rua kooperativa lima, maibé durante loron 100, liu ona tarjeitu ne'ebé iha.

"Ha'u hahú serbisu iha Ioron 29 Juñu 2020 no ha'u deklara, prioridade lima durante Ioron 100, katak sei estabelese kooperativa lima maibé agora estabelese one 15, depois fó formasaun ba membru sira husi grupu kooperativa lima, maibé agora SEKoop fó ona formasaun ba membru husi grupu kooperativa 18.(*)

Rate this item
(0 votes)
Last modified on Wednesday, 28 October 2020 08:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks