Ministru Agrikultura no Peskas, Pedro dos Reis, agradese tanba husi polítika sesta báziku, tanba bele ajuda ona agrikultór sira.
"Produsaun agrikultór sira sei nian rai too bainhira de'it, governu sei sosa liuhusi programa sesta báziku," dehan Pedro iha Parlamentu Nasionál (PN), Tersa (20/10).
Nia mós afirma, iha 2020 mak governu seidauk sufisiénte, iha 2021, governu sei sosa halo barak.
"Fos de'it lato'o tanba governu la'o ho Dotasaun Orsamentu Temporáriu (DOT), depois tama ho inundasaun, covid-19, entaun ema hotu sirkulasaun la másimu, Maibé sosa produtu ne'ebé barak ami garantia katak, bele to'o, maibé se la to'o fó fali tempu ba ami tanba orsamentu 2021 besik aprova ona," Pedro dehan.
Nia mós dehan, mezmu iha situasaun oioin, maibé iha fatin balun kontinua koilleta, hanesan Maubesi, Baguia, ne'ebé produsaun barak tebes.
"Ema nia koto ne'e hada hela de'it, agora ami-nia komunikasaun ne'e agora ema hada, ema hein hela para sesta bazika tenki inplementa para sosa," tenik Nia.
Entertantu Sesta bazika rasik hanesan programa rekoperasaun ekonomia ne'ebé governu daualu implementa hodi sosa produtu lokál hanesan Fore-rai, Fore-mungu, Koto, Fos-rai inklui produtu seluk hodi distribui ba kada sidadaun ida ho montante orsamentu dolar $25 ba fulan Novembru no Dezembru.(*)