Peskizadora Lao Hamutuk Marta da Silva hatete, iha rekoperasaun ekonomika governu presiza halo planu realistiku no programa ne'ebé detallu nune’e bele kondis ho nesesidade povu nian.
"Ami nia haree planu rekuperasaun ekonomia ne'e tenke ajuda governu bele iha planu ne'ebé realistiku liu bazeia ba nesesidade povu nian," dehan Marta iha edifisiu FONGTIL Kaikoli, Tersa (13/10).
Nia rekomenda ba governu atu haree ba nesesidade povu hanesan bee-moos, edukasaun, saúde, no agrikultura.
“Tanba ohin ha’u dehan sira halai liu-ba hasa'e produsaun iha rai laran atu sustenta ema nia moris, liu-liu liga-ba nutritivu aihan, Modo, fos ne'ebé ema konsumu, bai-bain dehan presiza diversifika ba aihan B, la'os konsumu fos mak sai primeiru, maibé ai-han sira seluk hanesan fehuk, talas presiza ajuda par aihan sira ne'e, labele lakon, maibé hotu-hotu iha nia fatin atu promove nia produsaun, atu hasa'e mos aihan sira iha rai laran," dehan nia.