Iha OJE 2020, orsamentu ne’ebé aloka ba PM hamutuk millaun $5.700 kompostu husi, salariu vensimentu rihun $340, Bens servisu millaun $1.893, transferensia publika millaun $3.387, no kapital menor rihun $80,
Ba gabineti apoiu Vise Primeiru Ministru I, aloka de’it osan ba bens no servisu rihun $100, enkuantu ba verba sira seluk laiha. Osan ba gabinete Vise PM II mós ho valor hanesan $100 ba bens-servisu.
Ba gabineti apoiu sosiedade sivil, sei aloka rihun $157 ba bens-servisu, no millaun $3.387 ba transferensia publika.
"Rezultadu votasaun ba Primeiru Ministru nian, a favor 49, kontra zero, Abstensaun 13, orsamentu ba Primeiru Ministru pasa," Prezidente Parlamentu Nasionál, Aniceto Longuinhos Guterres anunsia hafoin votasaun iha PN, Segunda (05/10).