Diretór Nasional Empregu, Sekretariu Estadu Formasaun Profisional no Empregu (SEFOPE) Filomeno Soares informa, dezde SEFOPE hahú mobiliza Timor-oan sira ba serbisu iha Australia, sira konsege fó kontribuisaun boot ba ekonomia TL.

Nia hatete, to’o ohin loron, trabaladór Timor-oan ne’ebé SEFOPE organiza hodi ba serbisu iha Australia hamutuk na’in 4.854, kompostu husi mane na’in 3.498 no feto na’in 1.356.

Filomeno hatete, Diresaun Nasionál Empregu Exterior, SEFOPE, nia papél importante mak halo jestaun ba rekrutamentu, kontratu no halo mobilizasaun ba traballadór sira atu bele ba serbisu iha rai li’ur.

Ho oportunidade ne’e, nia hatete, fó biban ba Timor-oan sira atu bele aproveita hodi buka esperiénsia servisu no hakbi'it sira-nia abilidade servisu hodi fila mai dezenvolve ekonómia família no sosiedade, no bele mós aumenta kresimentu ekonómia rai laran.