Login to your account

Username *
Password *
Remember Me

Jestaun La di'ak, Kooperativa Balak-Aut Obrato Dezorganizadu

Baraka fa'an katuda no ikan iha Obrato, Manatuto Baraka fa'an katuda no ikan iha Obrato, Manatuto Foto Tempo Timor

Tempotimor (Manatutu) - Iha tinan 2012 ho inisiativa mai husi komunidade sira iha Aldeia Obrato, Manatutu, konsege konstrui uma baraka hamutuk 32 iha estrada ibun Obrato, Suku Sau, Postu Manatutu Villa, Munisípiu Manatutu.

Konstrusaun uma baraka ne'e rasik mai husi membru hamutuk ema na'in 32 ho modelu kooperativa ne'ebé sira hanaran Kooperativa Balak Aut, hodi estabelese mós regra interna ba membru sira katak, kada fulan membru ida tenke kontibui osan ho valór US$ 24 ba iha sira-nia kofre hodi antesipa halo reabilitasaun bainhira nia kondisaun aat.

Atividade ne'ebé membru Kooperativa Balak Aut sira hala'o maka ikan, katupa hodi serve públiku bainhira halo viajen ultrapasa liuhusi Manatutu atu ba Díli, Baukau, Vikeke, Lospalos no inklui Manufahi (Same).

Maibe, depois eziste tinan rua nia-laran, membru sira deside fahe malu no inklui fahe mós fundu ne'ebé sira hetan kuaze US$ 3000, tanba ida-idak hakarak kria negósiu ba aan rasik.

Xefi Aldeia Obrato, José da Costa hateten, inisiativa harii baraka ne'e mai duni husi komunidade rasik dezde tinan 2012, no molok nia seidauk asume kargu xefe aldeia, membru sira deside hili nia mak sai pezidente ba kooperativa Balak Aut nian.

"Fa'an ikan, halo simpan-pinjam, kooperativa nian no fulan ida kada membru hatama US$ 24 (membru), no fundu ami hetan to’o US$ 3.000-resin, mas ikus mai membru sira fahe tiha osan ne'ebé hetan, entaun kooperativa ne'e la'o to'o fulan rua de'it depois ikus mai mate", dehan nia, ba www.tempotimor.com iha nia rezidénsia, Sabádu (19/9).

Xefi Aldeia ne'e hatutan, maski membru sira deside fahe malu, maibé atividade negósiu kontinua la'ó, nunee iha tinan 2014, Ministériu Turízmu Komérsiu no Industria (MTKI), iha mandatu António da Conceiçăo "Kalohan" nian, halo koordenasaun ho SEKoop iha momentu ne'ebá hodi fó formasaun ba membru sira kona-ba oinsa halo jestaun di'ak ba sira nia negósiu.

"Governu apoiu fó formasaun ba negosiante sira durante loron de'it no halo baraka ho medelu uma tali to'o agora", dehan nia.

Nia hatutan, hafoin iha tinan fulan-Fevereiru 2020 liu bá, komunidade sira hetan apoiu husi líder Karízmatiki Kay Rala Xanana Gusmă hanesan fó besi (baza), semente ho hodi hakbiit sira atu sira nia negósiu labele para.

Tuir onservasaun besi Baza, semete inklui kalen hotu entrega ona maibe baraka balu mak uza ona hodi hadia sira nia baraka, balu foin atu hahu, balu seidauk hahu hadi’a nune’e besi material konstrusaun sira ne’e sei rai hela besik barak nia tatis.

Entretantu, totál membru ne'ebé halao negósiu Ikan no katupa, aumenta ona ba ema nain 34, kompostu husi feto 32, inklui mane rua mak dadaun ne'e halo hela sira atividade negósiu to'o agora. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter