Print this page

SEPS sei Preve Osan Sosa Ekipamentu Bombeirus iha 2021

By September 25, 2020 1751
SEPS Joaquin Gusmao Ko'alia hela ba Jornalista sira iha Palasiu Governu, Sexta (25/9) SEPS Joaquin Gusmao Ko'alia hela ba Jornalista sira iha Palasiu Governu, Sexta (25/9) Foto Tempo Timor

Tempotimor (Dili)-Hanesan nasaun ne’ebé mós hasoru hela dezastre kada tinan, hahú husi insediu, rai halai to’o inundasaun, presiza tebes atu fasilita ekipamentu ba ekipa bombeiru. Tan ne’e, iha proposta OJE 2021 Sekretáriu Estadu Protesaun Sivil sei preve orsamentu ba bombeirus.

Tuir Sekretáriu Estadu Protesaun Sivil, Joaquim Gusmao katak, durante ne'e parte bombeirus seidauk iha ekipamentu ne'ebé naton atu rezolve kazu dezastre naturais hanesan insediu.

Joaquim dehan, hanesan akontesementu insediu armazen ne'ebé foin lalais akontese iha Bebonuk, ekipa bombeiros susar atu halo atuasaun tanba laiha ekipamentu espesifiku. Tanba momentu akontesementu, ahi han matérias sira hanesan Gazoel, mina tanba bombeiros rasik laiha ekipamentu espesifiku hodi kombate.

"Ita preve husu par konsidera hola ekipamentu kombate insediu ne'ebé ho tipu han (Ahi-han) gazoel, mina tanba momentu ne'e ita hetan ajuda husi Pertamina, maibe iha 2021 ita solisita atu hola ekipamentu espesial sira ne'e," dehan Joaquim iha Palásiu guvernu Dili, Sesta (25/9).

Entertantu iha orsamentu jeral estadu 2020 nia rasik hamutuk ho Ministeiru interior ho total millaun $13 ne'ebé mak sei utiliza ba selu dividas inklui atende dezastre naturais. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items